Қытайдың Хучжоу қаласында «2025 жылдың үздік туристік ауылдары» сыйлығын табыстау рәсімі өтті, деп хабарлайды "Адырна" ұлттық порталы.
Әзербайжанның Хыналыг ауылы БҰҰ Дүниежүзілік туристік ұйымының «Үздік туристік ауылдар» тізіміне енгізілді.
Бұл мәртебе ауылдың мәдени және тарихи мұрасын сақтай отырып, заманауи туризм талаптарына сай дамып жатқанына орай берілген.
Ұйымның бас хатшысы Зураб Пололикашвили марапатты Әзербайжанның мемлекеттік туризм агенттігі өкілі Мурад Агабейлиге табыс етті.
Бүгінге дейін әлемнің 60 еліндегі 180 ауыл «Үздік туристік ауыл» атағын алған. Хыналыг алғаш рет бұл тізімге енген Әзербайжан ауылы атанды.
Тарихы бес мың жылдан асатын Хыналыг 2023 жылы ЮНЕСКО-ның Бүкіләлемдік мұралар тізіміне енгізілген болатын. Соңғы жылдары мұнда 40-тан астам үй жөнделіп, туристік инфрақұрылым жаңартылды.
