قىتايدىڭ حۋچجوۋ قالاسىندا «2025 جىلدىڭ ۇزدىك تۋريستىك اۋىلدارى» سىيلىعىن تابىستاۋ ءراسىمى ءوتتى، دەپ حابارلايدى "ادىرنا" ۇلتتىق پورتالى.
ازەربايجاننىڭ حىنالىگ اۋىلى بۇۇ دۇنيەجۇزىلىك تۋريستىك ۇيىمىنىڭ «ۇزدىك تۋريستىك اۋىلدار» تىزىمىنە ەنگىزىلدى.
بۇل مارتەبە اۋىلدىڭ مادەني جانە تاريحي مۇراسىن ساقتاي وتىرىپ، زاماناۋي تۋريزم تالاپتارىنا ساي دامىپ جاتقانىنا وراي بەرىلگەن.
ۇيىمنىڭ باس حاتشىسى زۋراب پولوليكاشۆيلي ماراپاتتى ازەربايجاننىڭ مەملەكەتتىك تۋريزم اگەنتتىگى وكىلى مۋراد اگابەيليگە تابىس ەتتى.
بۇگىنگە دەيىن الەمنىڭ 60 ەلىندەگى 180 اۋىل «ۇزدىك تۋريستىك اۋىل» اتاعىن العان. حىنالىگ العاش رەت بۇل تىزىمگە ەنگەن ازەربايجان اۋىلى اتاندى.
تاريحى بەس مىڭ جىلدان اساتىن حىنالىگ 2023 جىلى يۋنەسكو-نىڭ بۇكىلالەمدىك مۇرالار تىزىمىنە ەنگىزىلگەن بولاتىن. سوڭعى جىلدارى مۇندا 40-تان استام ءۇي جوندەلىپ، تۋريستىك ينفراقۇرىلىم جاڭارتىلدى.
