برازيلياداعى پرەزيدەنت سايلاۋىندا جەڭىلىس تاپقان فلاۆيۋ بولسونارۋ ەلدەن كەتكەن. بۇل تۋرالى Guardian جازدى، دەپ حابارلايدى «ادىرنا» ءتىلشىسى.
بۇرىنعى پرەزيدەنت جاير بولسونارۋدىڭ ۇلكەن ۇلى، اسىرە وڭشىل سەناتور فلاۆيۋ بولسونارۋ پرەزيدەنت سايلاۋىندا جەڭىلگەننەن كەيىن برازياليادان كەتىپ، اقش-قا بەت العان.
سايلاۋدا جەڭىسكە جەتكەن لۋيس يناسيۋ لۋلا دا سيلۆا ونىڭ بۇل ارەكەتىن «ماسقارا» دەپ باعالاعان.
«ۇشاق اۋەدە»، – دەپ حابارلاعان بولسونارۋدىڭ جاقىندارى جۋرناليستەرگە.
الايدا ولار ونىڭ ناقتى قايدا باعىت العانىن ايتپاعان.
بولسونارۋدىڭ وداقتاستارى ونىڭ فلوريداعا باراتىنىن جانە ساياسي باسپانا سۇراۋدى جوسپارلاپ وتىرعانىن مالىمدەگەن.
«دونالد ترامپ اكىمشىلىگى بۇل جاعدايدان حاباردار»، – دەلىنگەن حابارلامادا.
ەسكە سالايىق، برازيليادا وتكەن پرەزيدەنت سايلاۋىندا ەلدىڭ قازىرگى باسشىسى لۋيس يناسيۋ لۋلا دا سيلۆا جەڭىسكە جەتكەن بولاتىن. ال سايلاۋدا جەڭىلىس تاپقان فلاۆيۋ بولسونارۋعا اقشانى جىلىستاتۋ ىسىنە بايلانىستى تولقۇجاتىن تاپسىرۋ مىندەتتەلگەن.
