Өзбекстандық блогер Илхомжон Йолчиев (Шеф Абузар) жол талғамайтын көлікпен Каспий теңізінің жағалауында видео түсірген. Ол бұл роликті Instagram-да жариялаған. Кейін видео қазақстандық пабликтерге тарап, қоғамда үлкен наразылық туғызды, деп хабарлайды “Адырна”.
Нәтижесінде бұл оқиғаға полиция қызығушылық танытты.
«Іс Әкімшілік құқық бұзушылық туралы кодекстің 505-бабы – «Қалалар мен елді мекендердің аумақтарын абаттандыру қағидаларын бұзу» бойынша қозғалды», – деп түсіндірді Маңғыстау облыстық полиция.
Блогерге қатысты әкімшілік хаттама толтырылып, 20 АЕК немесе 86 500 теңге көлемінде айыппұл салынды.
