Құжатқа Түркия президенті Режеп Тайип Ердоған, Сауд Арабиясының тақ мұрагері Мұхаммед бин Салман және Пәкістан премьер-министрі Шахбаз Шариф қол қойған, деп хабарлайды "Адырна" TRT-ға сілтеп.
Келісімге сәйкес, үш елдің біріне жасалған қарулы шабуыл барлық қатысушы мемлекетке жасалған шабуыл ретінде қарастырылады. Тараптар бұл қағидатты БҰҰ Жарғысының 51-бабында бекітілген жеке және ұжымдық өзін-өзі қорғау құқығымен байланыстырады.
Дереккөздердің мәліметінше, келісімге Жидда қаласында 7 тамыз күні қол қойылған. Ол тек қорғаныс сипатында және нақты бір мемлекетке қарсы бағытталмаған. Оның негізгі мақсаты – аймақтағы және әлемдегі қауіп-қатерлердің артуы жағдайында бірлескен тежеу тетіктерін күшейту.
Сонымен қатар Түркия, Сауд Арабиясы және Пәкістан қорғаныс өнеркәсібіндегі ынтымақтастықты кеңейтіп, қарулы күштерінің өзара іс-қимыл мүмкіндігін арттыруды жоспарлап отыр.
Келісімнің тағы бір ерекшелігі – оған кейінірек аймақтағы басқа мемлекеттердің де қосыла алуы. Тараптардың айтуынша, жаңа механизм үш елдің қолданыстағы одақтары мен серіктестіктерін алмастырмайды, керісінше оларды толықтыруға бағытталған.
