Qūjatqa Türkiia prezidentı Rejep Taiip Erdoǧan, Saud Arabiiasynyŋ taq mūragerı Mūhammed bin Salman jäne Päkıstan premer-ministrı Şahbaz Şarif qol qoiǧan, dep habarlaidy "Adyrna" TRT-ǧa sıltep.
Kelısımge säikes, üş eldıŋ bırıne jasalǧan qaruly şabuyl barlyq qatysuşy memleketke jasalǧan şabuyl retınde qarastyrylady. Taraptar būl qaǧidatty BŪŪ Jarǧysynyŋ 51-babynda bekıtılgen jeke jäne ūjymdyq özın-özı qorǧau qūqyǧymen bailanystyrady.
Derekközderdıŋ mälımetınşe, kelısımge Jidda qalasynda 7 tamyz künı qol qoiylǧan. Ol tek qorǧanys sipatynda jäne naqty bır memleketke qarsy baǧyttalmaǧan. Onyŋ negızgı maqsaty – aimaqtaǧy jäne älemdegı qauıp-qaterlerdıŋ artuy jaǧdaiynda bırlesken tejeu tetıkterın küşeitu.
Sonymen qatar Türkiia, Saud Arabiiasy jäne Päkıstan qorǧanys önerkäsıbındegı yntymaqtastyqty keŋeitıp, qaruly küşterınıŋ özara ıs-qimyl mümkındıgın arttyrudy josparlap otyr.
Kelısımnıŋ taǧy bır erekşelıgı – oǧan keiınırek aimaqtaǧy basqa memleketterdıŋ de qosyla aluy. Taraptardyŋ aituynşa, jaŋa mehanizm üş eldıŋ qoldanystaǧy odaqtary men serıktestıkterın almastyrmaidy, kerısınşe olardy tolyqtyruǧa baǧyttalǧan.
