Қытай төрағасы АҚШ президентімен қарым-қатынасты тұрақты дамыту бағытында бірлесіп жұмыс істеуге дайын екенін айтты, деп хабарлайды “Адырна”.
Бұл туралы ол Ақ үйде Дональд Трамппен кездесуі барысында хабарлады.
Си Цзиньпиннің айтуынша, Қытай мен АҚШ арасындағы қарым-қатынасты тұрақты арнаға бағыттау үшін екі елдің басшылығы өзара түсіністікті нығайтып, байланысты жалғастыруы қажет.
«Мен сізбен бірге Қытай-АҚШ қарым-қатынасының алып кемесін тұрақты бағытпен болашаққа қарай жүргізуге дайынмын», – деді Қытай төрағасы.
Ол Қытай мен АҚШ-тың ірі мемлекеттер екенін атап өтіп, тараптар текетірестен аулақ болып, байланысты күшейтуі керектігін айтты. Оның сөзінше, бұл екі елдің ғана емес, халықаралық қоғамдастықтың да мүддесіне сай.
Си Цзиньпин қазіргі әлемдегі тарихи өзгерістер аясында Қытай мен АҚШ-қа адамзаттың дамуы мен ілгерілеуіне ықпал ету бағытында жауапкершілік жүктелетінін атап өтті.
