قىتاي توراعاسى اقش پرەزيدەنتىمەن قارىم-قاتىناستى تۇراقتى دامىتۋ باعىتىندا بىرلەسىپ جۇمىس ىستەۋگە دايىن ەكەنىن ايتتى، دەپ حابارلايدى “ادىرنا”.
بۇل تۋرالى ول اق ۇيدە دونالد ترامپپەن كەزدەسۋى بارىسىندا حابارلادى.
سي ءتسزينپيننىڭ ايتۋىنشا، قىتاي مەن اقش اراسىنداعى قارىم-قاتىناستى تۇراقتى ارناعا باعىتتاۋ ءۇشىن ەكى ەلدىڭ باسشىلىعى ءوزارا تۇسىنىستىكتى نىعايتىپ، بايلانىستى جالعاستىرۋى قاجەت.
«مەن سىزبەن بىرگە قىتاي-اقش قارىم-قاتىناسىنىڭ الىپ كەمەسىن تۇراقتى باعىتپەن بولاشاققا قاراي جۇرگىزۋگە دايىنمىن»، – دەدى قىتاي توراعاسى.
ول قىتاي مەن اقش-تىڭ ءىرى مەملەكەتتەر ەكەنىن اتاپ ءوتىپ، تاراپتار تەكەتىرەستەن اۋلاق بولىپ، بايلانىستى كۇشەيتۋى كەرەكتىگىن ايتتى. ونىڭ سوزىنشە، بۇل ەكى ەلدىڭ عانا ەمەس، حالىقارالىق قوعامداستىقتىڭ دا مۇددەسىنە ساي.
سي تسزينپين قازىرگى الەمدەگى تاريحي وزگەرىستەر اياسىندا قىتاي مەن اقش-قا ادامزاتتىڭ دامۋى مەن ىلگەرىلەۋىنە ىقپال ەتۋ باعىتىندا جاۋاپكەرشىلىك جۇكتەلەتىنىن اتاپ ءوتتى.
