دامۋىڭىزعا كەدەرگى كەلتىرەتىن باستى سەبەپ قانداي؟

2386
Adyrna.kz Telegram
فوتو اشىق اقپارات كوزدەرىنەن الىندى
فوتو اشىق اقپارات كوزدەرىنەن الىندى

ءسىز كۇندەلىكتى ۇيرەنشىكتى ءىس-قيمىلدى جاسايسىز، ءتىپتى، ويىڭىزدى دا  وزگەرتكىڭىز كەلمەيدى. ءسىز وزگەرىسسىز ءوزىڭىزدى سەنىمدىرەك،ىڭعايلى،جايلى سەزىنەسىز. "جايلى ايماق" تۋرالى ەستۋىڭىز بار شىعار. ء"ومىر سەن  جايلى ايماقتا بولۋدى توقتاتقاندا عانا باستالادى" دەگەن ەكەن امەريكاندىق جازۋشى نيل ۋولش. ءدال وسى نارسە ءسىزدىڭ دامۋىڭىزعا باستى كەدەرگى، باستى جاۋ. بۇگىندە بۇل تەرميندى كوبىنەسە كوۋچ-ترەنەرلەر، بيزنەس-ترەنەرلەر ءجيى قولدانادى.

"جايلى ايماقتان شىعۋ" دەگەنىمىز - ءبىز ۇيرەنبەگەن جاڭا داعدى قالىپتاستىرۋ، جاڭا وزگەرىستەرگە بەيىمدەلۋ.

پسيحولوگيالىق تۇرعىدان قاراستىرساق، ادام جايلى ايماقتا بولعاندا ءوزىن الدەقايدا قاۋىپسىز سەزىنەدى ەكەن. مىسالى، تەك ءۇي شارۋاسىمەن اينالىساتىن ايەل ءبىر دامۋدىڭ جولىنا بەت بۇرا باستاسا، ءتىل ۇيرەنە باستاسا، ءوزىن كىشكەنە جايسىز سەزىنۋى مۇمكىن. ال ەگەر ول كۇيدى جەڭە السا، دامۋعا سەرپىلىس بولادى. بۇل دامۋعا سەرپىلىس بىرەۋلەرگە ۇناسا، بىرەۋلەرگە ۇنامايدى. بىراق ۇنەمى جايلى ايماقتا ءوزىڭدى قاۋىپسىز سەزىنۋ جەكە تۇلعا رەتىندە دامۋىڭدى توقتاتادى.

جايلى ايماقتان شىعۋ ارقىلى سەن كوپتەگەن مۇمكىندىكتەرگە يە بولاسىڭ. مانساپتا جاڭا دارەجەلەرگە قول جەتكىزەسىڭ، جاڭا ورتا قالىپتاستىراسىڭ، تولىققاندى ءومىر سۇرە باستايسىڭ. جايلى ايماقتان شىعۋ ارقىلى سەن ومىردەگى باستى ماقساتىڭدى ايقىنداي الاسىڭ، وزىڭە دەگەن سەنىمدىلىگىڭ ارتادى.

جايلى ايماقتان شىعۋ ءۇشىن وزىڭە دەگەن كوڭىلىڭنىڭ تولماۋى، ءبىر نارسە جەتپەي تۇراتىنداي سەزىمدەردىڭ بولعانى ابزال. سول سەزىمدەر عانا سەنى جاڭا وزگەرىستەرگە، العا جىلجۋعا الىپ كەلەدى. ال ول ءۇشىن نە ىستەۋ كەرەك؟

جايلى ايماقتان شىعۋ ءۇشىن قاراپايىم عانا كەڭەس: كەرەك ەمەس زاتتاردان ارىلىڭىز، كيىلمەيتىن كيىمدەرىڭىزدى تاستاڭىز. ۇيدەگى زاتتاردىڭ ورنىن اۋىستىرعاننىڭ ءوزى وزگە پسيحولوگيالىق كۇيگە بولەيدى. جايسىز ءىس -ارەكەتتەردى "جايلى" دەپ قابىلداڭىز. ۇنەمى تەك ءوزىڭىز سياقتى ويلايتىن ەمەس، باسقاشا ويلايتىن ادامدارمەن دە ارالاسىپ كورىڭىز. بەلگىسىزدىكتەن قورىقپاڭىز. جاڭا دۇنيەلەرگە قادام باسۋدان قورىقپاڭىز. كۇندەلىكتى  تاڭعى اسىڭىزدىڭ وزىنە وزگەرىس ەنگىزىپ كورىڭىز.  باسقا ادام سياقتىسىز با؟ ءيا،ەندى ءسىز ماقساتقا ۇمتىلۋعا قورىقپايتىن باسقا ادامسىز.

پىكىرلەر