Damuyŋyzǧa kedergı keltıretın basty sebep qandai?

Sız kündelıktı üirenşıktı ıs-qimyldy jasaisyz, tıptı, oiyŋyzdy da  özgertkıŋız kelmeidı. Sız özgerıssız özıŋızdı senımdırek,yŋǧaily,jaily sezınesız. "Jaily aimaq" turaly estuıŋız bar şyǧar. "Ömır sen  jaily aimaqta boludy toqtatqanda ǧana bastalady" degen eken amerikandyq jazuşy Nil Uolş. Däl osy närse sızdıŋ damuyŋyzǧa basty kedergı, basty jau. Bügınde būl termindı köbınese kouch-trenerler, biznes-trenerler jiı qoldanady. "Jaily aimaqtan şyǧu" degenımız - bız üirenbegen jaŋa daǧdy qalyptastyru, jaŋa özgerısterge beiımdelu. Psihologiialyq tūrǧydan qarastyrsaq, adam jaily aimaqta bolǧanda özın äldeqaida qauıpsız sezınedı eken. Mysaly, tek üi şaruasymen ainalysatyn äiel bır damudyŋ jolyna bet būra bastasa, tıl üirene bastasa, özın kışkene jaisyz sezınuı mümkın. Al eger ol küidı jeŋe alsa, damuǧa serpılıs bolady. Būl damuǧa serpılıs bıreulerge ūnasa, bıreulerge ūnamaidy. Bıraq ünemı jaily aimaqta özıŋdı qauıpsız sezınu jeke tūlǧa retınde damuyŋdy toqtatady. Jaily aimaqtan şyǧu arqyly sen köptegen mümkındıkterge ie bolasyŋ. Mansapta jaŋa därejelerge qol jetkızesıŋ, jaŋa orta qalyptastyrasyŋ, tolyqqandy ömır süre bastaisyŋ. Jaily aimaqtan şyǧu arqyly sen ömırdegı basty maqsatyŋdy aiqyndai alasyŋ, özıŋe degen senımdılıgıŋ artady. Jaily aimaqtan şyǧu üşın özıŋe degen köŋılıŋnıŋ tolmauy, bır närse jetpei tūratyndai sezımderdıŋ bolǧany abzal. Sol sezımder ǧana senı jaŋa özgerısterge, alǧa jyljuǧa alyp keledı. Al ol üşın ne ısteu kerek? Jaily aimaqtan şyǧu üşın qarapaiym ǧana keŋes: kerek emes zattardan arylyŋyz, kiılmeitın kiımderıŋızdı tastaŋyz. Üidegı zattardyŋ ornyn auystyrǧannyŋ özı özge psihologiialyq küige böleidı. Jaisyz ıs -äreketterdı "jaily" dep qabyldaŋyz. Ünemı tek özıŋız siiaqty oilaityn emes, basqaşa oilaityn adamdarmen de aralasyp körıŋız. Belgısızdıkten qoryqpaŋyz. Jaŋa dünielerge qadam basudan qoryqpaŋyz. Kündelıktı  taŋǧy asyŋyzdyŋ özıne özgerıs engızıp körıŋız.  Basqa adam siiaqtysyz ba? İä,endı sız maqsatqa ūmtyluǧa qoryqpaityn basqa adamsyz.