Damýyńyzǵa kedergi keltiretin basty sebep qandaı?

490
foto ashyq aqparat kózderinen alyndy
foto ashyq aqparat kózderinen alyndy

Siz kúndelikti úırenshikti is-qımyldy jasaısyz, tipti, oıyńyzdy da  ózgertkińiz kelmeıdi. Siz ózgerissiz ózińizdi senimdirek,yńǵaıly,jaıly sezinesiz. "Jaıly aımaq" týraly estýińiz bar shyǵar. "Ómir sen  jaıly aımaqta bolýdy toqtatqanda ǵana bastalady" degen eken amerıkandyq jazýshy Nıl Ýolsh. Dál osy nárse sizdiń damýyńyzǵa basty kedergi, basty jaý. Búginde bul termındi kóbinese koých-trenerler, bıznes-trenerler jıi qoldanady.

"Jaıly aımaqtan shyǵý" degenimiz - biz úırenbegen jańa daǵdy qalyptastyrý, jańa ózgeristerge beıimdelý.

Psıhologııalyq turǵydan qarastyrsaq, adam jaıly aımaqta bolǵanda ózin áldeqaıda qaýipsiz sezinedi eken. Mysaly, tek úı sharýasymen aınalysatyn áıel bir damýdyń jolyna bet bura bastasa, til úırene bastasa, ózin kishkene jaısyz sezinýi múmkin. Al eger ol kúıdi jeńe alsa, damýǵa serpilis bolady. Bul damýǵa serpilis bireýlerge unasa, bireýlerge unamaıdy. Biraq únemi jaıly aımaqta ózińdi qaýipsiz seziný jeke tulǵa retinde damýyńdy toqtatady.

Jaıly aımaqtan shyǵý arqyly sen kóptegen múmkindikterge ıe bolasyń. Mansapta jańa dárejelerge qol jetkizesiń, jańa orta qalyptastyrasyń, tolyqqandy ómir súre bastaısyń. Jaıly aımaqtan shyǵý arqyly sen ómirdegi basty maqsatyńdy aıqyndaı alasyń, ózińe degen senimdiligiń artady.

Jaıly aımaqtan shyǵý úshin ózińe degen kóńilińniń tolmaýy, bir nárse jetpeı turatyndaı sezimderdiń bolǵany abzal. Sol sezimder ǵana seni jańa ózgeristerge, alǵa jyljýǵa alyp keledi. Al ol úshin ne isteý kerek?

Jaıly aımaqtan shyǵý úshin qarapaıym ǵana keńes: kerek emes zattardan arylyńyz, kıilmeıtin kıimderińizdi tastańyz. Úıdegi zattardyń ornyn aýystyrǵannyń ózi ózge psıhologııalyq kúıge bóleıdi. Jaısyz is -áreketterdi "jaıly" dep qabyldańyz. Únemi tek ózińiz sııaqty oılaıtyn emes, basqasha oılaıtyn adamdarmen de aralasyp kórińiz. Belgisizdikten qoryqpańyz. Jańa dúnıelerge qadam basýdan qoryqpańyz. Kúndelikti  tańǵy asyńyzdyń ózine ózgeris engizip kórińiz.  Basqa adam sııaqtysyz ba? Iá,endi siz maqsatqa umtylýǵa qoryqpaıtyn basqa adamsyz.

Pikirler
Uqsas jańalyqtar