Damu üşın qazaqstandyq turizmge 900-den astam sanitarlyq-gigienalyq bölımşe jetıspeidı. Būl turaly QR Mädeniet jäne sport ministrlıgı Turizm industriiasy komitetınıŋ töraǧasy Dastan Ryspekov aitty, dep habarlaidy "Adyrna" ūlttyq portaly zakon.kz-ke sıltep. "İndustriia jäne infraqūrylymdy damytu ministrlıgımen jäne oblystyq äkımdıktermen bırge 2019 jyly sanitarlyq-gigienalyq qondyrǧylarǧa tügendeu jürgızılıp, olardyŋ qajettılıgı anyqtaldy. Olar 962 vanna bölmelerı bar qyzmet körsetu nysandaryn qūrady. Özderıŋız bıletındei, soŋǧy 2 jylda respublikalyq maŋyzy bar avtomobil joldarynyŋ boiynda «Qazavtojoldyŋ» därethana ornatu jūmystary jürgızılıp keledı. Eger respublikalyq maŋyzy bar magistraldar boiynda käsıpkerler mūndai biznespen ainalysuǧa qyzyǧuşylyq tanytsa, alaida ol jerlerde därethanadan basqa şaǧyn dükenge arnalǧan bölmeler bolsa, onda qalǧan joldar boiynda atalǧan qondyrǧylardy ornatuǧa käsıpkerdı qyzyqtyru qiyn jäne biznestıŋ paidasyzdyǧyna äkep tıreidı", dedı Ryspekov.Ol osyǧan bailanysty memlekettık qoldau şarasy aiyna 83 myŋ teŋge kölemınde TQQ ūstauǧa şyǧyndardy subsidiia engızılıp jatqanyn qosty.
"Būl oblystyq jäne audandyq maŋyzy bar joldarǧa turister jinalatyn negızgı oryndardaǧy tūraqty stasionarlyq üi-jailarǧa da, investisiianyŋ qaitarymy tömen jol boiyndaǧy qyzmet körsetu nysandaryna da qatysty bolady. Būl qarajat tehnikalyq personaldy ūstauǧa, sondai-aq qajettı jabdyqty satyp aluǧa ketetın şyǧyndardy azaitady", - dep qorytyndylady Komitet basşysy.
"Adyrna" ūlttyq portaly
Ūqsas jaŋalyqtar
