Ótkende Májilis depýtaty Qaraqat Ábden sheteldikke turmysqa shyqqan qyzdarǵa salyq salý týraly bastama kótergen edi. Bul usynysqa qatysty úkimet basshysynyń orynbasary pikir bildirdi, dep habarlaıdy "Adyrna" ulttyq portaly astanatv.kz-ke silteme kórsete otyryp.
Premer-mınıstrdiń orynbasary ári qarjy mınıstri Erulan Jamaýbaev bul bastamadan beıhabar ekendigin aıtyp, mundaı tájirıbeniń álem elderinde bar ekenin málimdedi. Resmı túrde usynys túsken jaǵdaıda shetel asqandarǵa salyq salý máselesi qarastyrylatynyn habarlady.
"Umytpasam, keıbir elderde bul (sheteldiktermen nekege turý salyǵy - esk.) tájirıbeden ótkizilip jatyr. Sondyqtan zertteımiz, mundaı usynys tússe qarastyramyz. Biraq bul áli talqylanbady", - dep jaýap berdi Jamaýbaev.
Bir kezde prezıdent saılaýyna kandıdat bolǵan depýtat Qaraqat Ábdenniń degeni qoǵamda qyzý talqylaý týdyrǵan.
"Adyrna" ulttyq portaly
