Tasmaǧambetov sailauda Toqaevty qoldauǧa şaqyrdy, dep jazady "Adyrna" ūlttyq portaly
Ardaqty otandastar!
Būl jyl memleketımız üşın erekşe qiyn jyl boldy. Täuelsızdık alǧaly berı alǧaş ret elımız eŋ basty, eŋ ızgı qūndylyqtaryn joǧaltuǧa şaq qaldy. Tarih kuä, mūndai jaǧdaidan keiın köp elder öz özıne kele almai, ondaǧan jyldarǧa tūralap qalady. Bıraq osyǧan qaramastan bızdıŋ halyq, auyrlyqqa maiyspaityn erık-jıgerı men qaranardai qaiyspaityn küşın körsetıp, törtkül düniege özınıŋ örkeniettı ömırge degen haqyn paş ettı. Keşegı alasapyranda ortaq üiımızdegı bereke men tynyştyq ta halqymyzdyŋ osynau danalyǧy men bırlıgınıŋ arqasynda, daralyǧy men ırılıgınıŋ arqasynda saqtaldy. Elımız üşın sol bır syndarly saǧattarda Prezident Q.Toqaevtyŋ memlekettıŋ ydyrauyna jol bermei, tızgındı nyq ūstap otyrǧanyna barşamyz kuä boldyq. Söz joq, būl ūlt aldyndaǧy, ūrpaq aldyndaǧy orasan zor jauapkerşılık. Ärine, däl qazır ärbır azamatymyz üşın eŋ maŋyzdy mäsele ne? Qarapaiym, bıraq öte qajet üş närse bar. Ol: erteŋgı künge degen senımı, bala-şaǧasynyŋ amandyǧy, özın beiqam sezınuı. Būl qūndylyqtardyŋ qadırı, äsırese, ainaladaǧy qaruly qaqtyǧystar men män-maǧynasyz qantögısterdı körgende erekşe bılınedı. Mıne, osyndai almaǧaiyp uaqytta el tızgının sanasyna tabiǧattyŋ özı darytqan geosaiasi köregendıgı, tuǧan halqynyŋ müddesın biık qoia alatyn diplomatiialyq oi-örısı bar qairatker, eŋ bastysy – memlekettıŋ taǧdyry üşın jauapkerşılıkten taisalmai, tık köteretın tūlǧa ūstau kerek. Öz basym būl qasietterdıŋ barlyǧyn Qasym-Jomart Kemelūly Toqaevtyŋ boiynan köremın. Sondyqtan, bügıngıdei el-jūrtymyz üşın syndarly uaqytta men Qasym-Jomart Kemelūlyn aldaǧy ülken saiasi nauqan – Qazaqstan Respublikasy Prezidentın sailauda qoldauǧa şaqyramyn. Azamattarymyz tuǧan el aldyndaǧy jauapkerşılıgın sezınıp, jūmylǧan jūdyryqtai auyzbırşılıgın tanytyp, dūrys taŋdau jasaidy dep ümıttenemın. Tūiyq joldan adastyrmai alyp şyǧatyn da, qaratünek qiyndyqty jaryp şyǧatyn da – bırlık! Osyny ūmytpaiyq, aǧaiyn!İmanǧali TASMAǦAMBETOV
Ūqsas jaŋalyqtar
Qazaqstan
saiasat
Memleket basşysy
Prezident
sailau
İmanǧali Tasmaǧambetov
Prezidenttık sailau
Qasym-Jomart Toqaev
