Bügın Mäjılıstegı Ükımet saǧatynda deputat Edıl Jaŋbyrşin ministr Baǧdat Musinge ötkır sūraqtar qoiyp, sastyrdy. Būl turaly "Adyrna" ūlttyq portaly jazady.
"Qūrmettı, Baǧdat Batyrbekūly! Sız asyqpai-aptyqpai qysqa jäne nūsqa jauap berıŋız. Bızdıŋ uaqytymyzdy almaŋyz. Būl jerde eşkım oinap otyrǧan joq. Sondyqtan sızderge naqty sūraq beredı, naqty jauap bereŋızder. Ne zat mynau? Basyŋ bastaisyz, aiaǧy joq. Keldıŋızder me Parlamentke, dūrystap jauap berıŋızder. Adamnyŋ basyn ainaldyrmaŋdar", - dedı deputat.Deputattyŋ aituynşa, turistık nysandarda mobildık bailanys joqtyŋ qasy.
"Bızde bailanysty qajet etetın nysandar bar. Mysaly turistık infroqūrylymdar. Qazır özıŋız bılesız. Bızdıŋ elımızde turistık potok köp. Ondai marşruttarda vizit-ortalyqtar salynyp jatyr. Ärtürlı qoryqtar men ūlttyq parkter bar. Ol jerge köptegen adamdar barady. Al endı sol jerdegı mäsele uşyǧyp tūr. Nege men mūny aityp otyrmyn? Būl kommersiialyq jaǧynan emes. Jalpy adamnyŋ qauıpsızdık mäselesıne bailanysty. Maşina būzylyp qaluy mümkın. Adam auyryp qaluy mümkın. Är türlı jaǧdailar bolyp qaluy mümkın. Ol jerlerde bızde bailanys joq. Qazaqstan turistık infroqūrylymyna bailanysty qandai josparlaryŋyz bar? Bailanyspen qalai qamtamasyz eteiın dep otyrsyz? Qandai qarajat esebıne jäne qandai tehnologiialar qoldanylady? Jaqynda sız Premer-ministrge baiandaǧan ūlttyq jobada osy aitylǧan mäseleler qamtylǧan ba? Maǧan naqty aityŋyz", - dep sūrady Edıl Jaŋbyrşin ministrden.Ministr deputattyŋ sūraqtaryna tolyq jauap bere almai, äbden sasty.
"Qamtylǧan. Turistık nysandar 2027 jylǧa deiın tolyǧymen internetpen qamtylatyn bolady. Ūlttyq joba talqylanyp, bekıtılse, qarajat bölınse, turistık nysandardyŋ barlyǧy da internetpen qamtamasyz etıletın bolady. Ärbır jerde ärtürlı tehnologiialar qoldanylatyn bolady. Köbınese 4G tehnologiiasy. Eger oǧan deiın optika jelılerı bara almaityn bolsa, sputniktık tehnologiialar qosatyn bolamyz. Būnyŋ kommersiialyq közı bolmaǧandyqtan būl şyǧyndardyŋ barlyǧy biudjet esebenınen qarjylandyryluy tiıs", - dep qobaljydy ministr.
