Saıasattanýshy ǵalym, QR Memlekettik keńesshisi Erlan Qarın Qazaqstan Respýblıkasynda ótken kezekten tys saılaýdyń sıpaty men nátıjesine qatysty pikir bildirdi, dep habarlaıdy "Adyrna" ulttyq portaly.
- Prezıdent saılaýy qoǵamdy bir ortaǵa shoǵyrlandyrýda jáne eldiń damýynda asa erekshe mańyzǵa ıe. Maýsymda ótken referendýmda qazaqstandyqtardyń 77%-dan astamy konstıtýııalyq reformany maquldady. Bul azamattardyń qazirgi bıliktiń atqaryp otyrǵan is-áreketterine qoldaý tanytqanynyń kórinisi.
Daýys berý qorytyndysy boıynsha 80%-dan astam daýys jınaǵan Qasym-Jomart Toqaevtyń aıqyn jeńisi qazirgi bıliktiń iske asyryp jatqan, sondaı-aq, bolashaqqa josparlanyp otyrǵan is-qımyldarynyń durys ekendigin kórsetti. Buǵan el azamattarynyń Prezıdent saıasatyn maquldaýy men qoldaýynyń joǵarǵy kórsetkishi dálel.
Eger referendým qoǵamdyq kelisimdi, ymyralastyqty jańa deńgeıge kóterse, prezıdent saılaýy azamattardy biriktirýge jańa mazmun men sıpat beredi.
Memleketimizde kezekten tys saılaýdyń ótýi qazirgi qoǵam men bılik arasynda ortaq uǵynysý men el damýynyń jarqyn keleshegi bar ekendigin anyq aıqyndady.
Jalpy, úlken saılaý ıkliniń birinshi kezeńi sátti aıaqtaldy dep aıtýǵa bolady. Kelesi kezeń - parlamenttik jáne máslıhattyq saılaý.
Nátıjesinde, bizdiń elimiz qoǵam men bıliktiń ymyrasyn nyǵaıtyp, memlekettik ınstıtýttardyń turaqty júıesin qalyptastyryp, qazirgi bulaǵaı shaqta álemdegi qaýipsizdik pen turaqtylyqtyń mekenine aınalary sózsiz, - dep jazdy saıasatker.
"Adyrna" ulttyq portaly
