El prezidentı Qasym-Jomart Toqaev bırneşe zaŋǧa qol qoidy, dep habarlaidy "Adyrna" ūlttyq portaly, Aqorda saityna sılteme jasap.
Prezident qol qoidy:
- "Euraziialyq ekonomikalyq odaq şeŋberınde baǧaly metaldarmen jäne asyl tastarmen operasiialardy jüzege asyru erekşelıkterı turaly kelısımdı ratifikasiialau turaly" Qazaqstan Respublikasynyŋ Zaŋyna;
- "Memleketaralyq standarttau jönındegı qūjattardy taratu turaly kelısımdı ratifikasiialau turaly" Qazaqstan Respublikasynyŋ Zaŋyna;
- "Täuelsız Memleketter Dostastyǧyna qatysuşy memleketterdıŋ bas bostandyǧynan aiyrumen bailanysty emes jazalardy oryndaudy beru turaly konvensiiasyn ratifikasiialau turaly" Qazaqstan Respublikasynyŋ Zaŋyna.
Senattyŋ mälımetıne süiensek, "Memleketaralyq standarttau jönındegı qūjattardy taratu turaly kelısımdı ratifikasiialau turaly" zaŋ memleketaralyq standarttaudy jetıldıruge, sondai-aq TMD Standarttau, metrologiia jäne sertifikattau jönındegı memleketaralyq keŋes qabyldaityn qūjattardy taratu jäne paidalanu qaǧidattary bırlıgın qamtamasyz etuge mümkındık beredı.
"Täuelsız Memleketter Dostastyǧyna qatysuşy memleketterdıŋ bas bostandyǧynan aiyrumen bailanysty emes jazalardy oryndaudy beru turaly konvensiiasyn ratifikasiialau turaly" zaŋ sottalǧandar öz memleketınde bas bostandyǧynan aiyruǧa bailanysty emes jazany öteuge jaǧdai jasauǧa mümkındık beredı. Eger adam TMD elderı aumaǧynda sottalǧan bolsa jäne jaza bas bostandyǧynan aiyrumen bailanysty bolmasa, onda ol jazasyn öteu üşın elıne orala alady.
"Memleketaralyq standarttau jönındegı qūjattardy taratu turaly kelısımdı ratifikasiialau turaly" zaŋ boiynşa baǧaly metaldar men tastardan jasalǧan būiymǧa qosymşa synamalar ornatudyŋ küşı joiylady. Iаǧni, qazaqstandyq synamasy bar zergerlık būiymdy ekonomikalyq odaqtyŋ barlyq elı aumaǧynda qaita synamai-aq ötkızuge bolady. Senattyŋ mälımetı boiynşa, kelısım bır jaǧynan qazaqstandyq naryqty sapasyz zergerlık şikızat äkeluden qorǧasa, al ekınşı jaǧynan affinaj altynyn öndırudı ūlǧaituǧa jäne EAEO kedendık aumaǧynda baǧaly metaldar men tastardyŋ erkın ainalymy üşın qajettı jaǧdailar jasauǧa mümkındık beredı.
"Adyrna" ūlttyq portaly
Basqalarmen bölıse
otyryŋyz
Prezident Toqaev pen Si Szinpin Astanadaǧy kezdesu qorytyndysy boiynşa bırqatar qūjattarǧa qol qoidy
