Reseidıŋ "İzvestiia" basylymy Qazaqstan Prezidentı Qasym-Jomart Toqaevtyŋ «Qazaqstan men Resei: strategiialyq serıktestıktıŋ jaŋa kökjiegı» atty maqalasyn jariialady, dep habarlaidy "Adyrna" ūlttyq portaly.
Maqalada ekı el arasyndaǧy yntymaqtastyqtyŋ damuy men bolaşaǧy turaly maŋyzdy mälımetter berılgen.
Prezident Qasym-Jomart Toqaev Qazaqstan men Resei arasyndaǧy qarym-qatynastardyŋ senımdılıgı men tūraqtylyǧyn atap ötıp, Resei Prezidentı Vladimir Putinmen tūraqty jäne aşyq bailanystar ornaǧanyn aitty. Būl qarym-qatynas tuyndaǧan mäselelerdı jedel şeşuge jäne elder arasyndaǧy dostyq qatynastardy nyǧaituǧa yqpal etude.
Maqalada soŋǧy bır jyl ışınde Qazaqstan men Reseidıŋ bırneşe ret joǧary deŋgeide kezdesuler ötkızgenı aitylǧan. Būl kezdesuler tolyq formatty kelıssözderden, halyqaralyq şaralar aiasyndaǧy kezdesuler men telefon arqyly söilesulerden tūrdy.
Qazaqstan men Resei arasyndaǧy sauda-ekonomikalyq yntymaqtastyqtyŋ damyp kele jatqany erekşe atap ötıldı. Qazırgı taŋda Qazaqstanda 23 myŋnan astam reseilık kompaniia jūmys ıstep jatyr, onyŋ ışınde soŋǧy jyly aşylǧan 4 myŋ jaŋa kompaniia bar. Būl ekı eldıŋ ekonomikalyq bailanysynyŋ joǧary dinamikasyn körsetedı.
Sonymen qatar, maqalada energetika, önerkäsıp, kölık-logistika, auyl şaruaşylyǧy jäne basqa da salalardaǧy ırı bırlesken jobalarǧa nazar audaryldy. Jalpy qūny 18 milliard dollardan asatyn 90-nan astam joba jüzege asyrylǧan, al taǧy 49 perspektivalyq joba ıske asyrylu satysynda.
Maqalada Euraziialyq ekonomikalyq odaq aiasyndaǧy Qazaqstan men Resei arasyndaǧy yntymaqtastyqtyŋ maŋyzdylyǧy da qozǧalǧan. EAEO özınıŋ tiımdılıgın däleldep, ekonomikalyq saiasatty integrasiialau men özara saudany damytu üşın maŋyzdy platformaǧa ainalǧany aityldy.
Eske sala keteiık, Qasym-Jomart Toqaevtyŋ şaqyruymen 27 qaraşada Qazaqstanǧa Resei prezidentı Vladimir Putin memlekettık saparmen keledı. Sapar aiasynda joǧary deŋgeidegı kelıssözder ötedı. Memleket basşylary beinekonferensiia rejimınde ötetın Qazaqstan men Reseidıŋ HH öŋıraralyq yntymaqtastyq forumyna qatysady.
28 qaraşada Toqaevtyŋ töraǧalyǧymen Ūjymdyq qauıpsızdık turaly şart ūiymy keŋesınıŋ kezektı sessiiasy ötedı. Qatysuşy elderdıŋ delegasiialary öŋırlık jäne halyqaralyq qauıpsızdık mäselelerın talqylaidy. Otyrystyŋ qorytyndysy boiynşa bırqatar qūjat qabyldanady.
Ūqsas jaŋalyqtar
