Memleket basshysy TMD-ǵa múshe memleketter basshylary keńesiniń otyrysynda Qazaqstannyń sankııalarǵa qatysty ustanymyn aıtty, dep "Adyrna" tilshisi Aqordaǵa silteme jasap habarlaıdy.
Qazaqstan Prezıdentimemleket basshylary bas qosqan jıynda qonaqjaılyq kórsetkeni jáne TMD-ǵa tóraǵalyq etý barysynda Qyrǵyzstannyń tabysty jumys atqarǵany úshin Qyrǵyzstan prezıdenti Sadyr Japarovqa alǵys aıtty.
Sondaı-aq Memleket basshysy geosaıası qaıshylyqtardyń shıelenise túskenin atap ótip, álem ekonomıkasynda turaqsyzdyq kúsheıgenin aıtyp, memlekettiń ál-aýqatyna keri áser etetin ekonomıkalyq sankııalardy qoldanýǵa túbegeıli qarsy ekenin jetkizdi.
Prezıdent Qasym-Jomart Toqaev otyrys barysynda Taıaý Shyǵystaǵy qazirgi ahýalǵa qatysty pikir bildirdi:
–Qazaqstan halyqaralyq ózekti problemalardy sheshý úshin lańkestik ádisterdi qoldanýǵa úzildi-kesildi qarsy. Ondaǵan jyl boıy sheshimin tappaı kele jatqan mindetterdi júzege asyrý úshin beıbit azamattarǵa zorlyq-zombylyq kórsetip, terrorlyq akııalar jasaýǵa bolmaıdy. Bul – esh aqtaýǵa kelmeıtin áreket, – dedi Prezıdent.
Memleket basshysy TMD janyndaǵy Seriktes jáne Baqylaýshy mártebesiniń bekitilýin búgingi otyrystyń aıtýly oqıǵasy retinde atap ótti. Sonymen qatar, Qasym-Jomart Toqaev BUU Qaýipsizdik Keńesindegi qazirgi toqyraý jaǵdaıynda ámbebap uıymnyń ókildik aıasy anaǵurlym keń organy sanalatyn BUU Bas Assambleıasynyń rólin kúsheıtýge múmkindik bar ári qajet dep esepteıdi.
–Bul rette BUU Qaýipsizdik Keńesin reformalaý isinde asyǵystyq tanytýǵa bolmaıdy. Bizdiń oıymyzsha, bul mańyzdy organǵa álemniń barlyq aımaǵynyń elderi, sonyń ishinde jahandyq Ońtústik memleketteri múshe bolýǵa tıis. Shyn máninde, bul ustanymdy osy jıynǵa qatysyp otyrǵan memleketter basshylarynyń barlyǵy quptaıtyny qýantady", – dedi Prezıdent.
