Prezident Qasym-Jomart Toqaev Mäskeude ötetın Ūly Jeŋıstıŋ 81 jyldyǧyna arnalǧan saltanatty ıs-şaralarǧa qatysady. Būl turaly Qazaqstan Prezidentınıŋ keŋesşısı – Baspasöz hatşysy Aibek Smadiiarov mälımdedı, dep habarlaidy "Adyrna".
"Kreml Qazaqstan Prezidentınıŋ būl şeşımıne rizaşylyq bıldırıp, Mäskeuge jasaityn jūmys saparyn dostyq qadam dep atady.
Sapar aiasynda Qasym-Jomart Toqaevtyŋ Vladimir Putinmen kezdesuı josparlanǧan.
Memleketter basşylary Resei Prezidentınıŋ mamyr aiynyŋ soŋynda Qazaqstanǧa jasaityn sapary qarsaŋynda strategiialyq yntymaqtastyqtyŋ basty mäselelerın talqylaidy", delıngen habarlamada.
Aita ketsek, būǧan deiın BAQ betterınde 9 mamyrda Mäskeu qalasynda ötetın Jeŋıs parady qauıpsızdık şaralary küşeitılgen jaǧdaida ūiymdastyrylatynyn jäne Qyzyl alaŋdaǧy äskeri şeruge keletın qonaqtar tızımınde Ortalyq Aziia memleketterınıŋ basşylary joq ekenın habarlanǧan edı.
