پرەزيدەنت قاسىم-جومارت توقاەۆ ماسكەۋدە وتەتىن ۇلى جەڭىستىڭ 81 جىلدىعىنا ارنالعان سالتاناتتى ءىس-شارالارعا قاتىسادى. بۇل تۋرالى قازاقستان پرەزيدەنتىنىڭ كەڭەسشىسى – ءباسپاسوز حاتشىسى ايبەك سمادياروۆ مالىمدەدى، دەپ حابارلايدى "ادىرنا".
"كرەمل قازاقستان پرەزيدەنتىنىڭ بۇل شەشىمىنە ريزاشىلىق ءبىلدىرىپ، ماسكەۋگە جاسايتىن جۇمىس ساپارىن دوستىق قادام دەپ اتادى.
ساپار اياسىندا قاسىم-جومارت توقاەۆتىڭ ۆلاديمير پۋتينمەن كەزدەسۋى جوسپارلانعان.
مەملەكەتتەر باسشىلارى رەسەي پرەزيدەنتىنىڭ مامىر ايىنىڭ سوڭىندا قازاقستانعا جاسايتىن ساپارى قارساڭىندا ستراتەگيالىق ىنتىماقتاستىقتىڭ باستى ماسەلەلەرىن تالقىلايدى", دەلىنگەن حابارلامادا.
ايتا كەتسەك، بۇعان دەيىن باق بەتتەرىندە 9 مامىردا ماسكەۋ قالاسىندا وتەتىن جەڭىس پارادى قاۋىپسىزدىك شارالارى كۇشەيتىلگەن جاعدايدا ۇيىمداستىرىلاتىنىن جانە قىزىل الاڭداعى اسكەري شەرۋگە كەلەتىن قوناقتار تىزىمىندە ورتالىق ازيا مەملەكەتتەرىنىڭ باسشىلارى جوق ەكەنىن حابارلانعان ەدى.
