مەملەكەت باسشىسى تمد-عا مۇشە مەملەكەتتەر باسشىلارى كەڭەسىنىڭ وتىرىسىندا قازاقستاننىڭ سانكتسيالارعا قاتىستى ۇستانىمىن ايتتى، دەپ "ادىرنا" ءتىلشىسى اقورداعا سىلتەمە جاساپ حابارلايدى.
قازاقستان پرەزيدەنتىمەملەكەت باسشىلارى باس قوسقان جيىندا قوناقجايلىق كورسەتكەنى جانە تمد-عا توراعالىق ەتۋ بارىسىندا قىرعىزستاننىڭ تابىستى جۇمىس اتقارعانى ءۇشىن قىرعىزستان پرەزيدەنتى سادىر جاپاروۆقا العىس ايتتى.
سونداي-اق مەملەكەت باسشىسى گەوساياسي قايشىلىقتاردىڭ شيەلەنىسە تۇسكەنىن اتاپ ءوتىپ، الەم ەكونوميكاسىندا تۇراقسىزدىق كۇشەيگەنىن ايتىپ، مەملەكەتتىڭ ءال-اۋقاتىنا كەرى اسەر ەتەتىن ەكونوميكالىق سانكتسيالاردى قولدانۋعا تۇبەگەيلى قارسى ەكەنىن جەتكىزدى.
پرەزيدەنت قاسىم-جومارت توقاەۆ وتىرىس بارىسىندا تاياۋ شىعىستاعى قازىرگى احۋالعا قاتىستى پىكىر ءبىلدىردى:
–قازاقستان حالىقارالىق وزەكتى پروبلەمالاردى شەشۋ ءۇشىن لاڭكەستىك ادىستەردى قولدانۋعا ءۇزىلدى-كەسىلدى قارسى. ونداعان جىل بويى شەشىمىن تاپپاي كەلە جاتقان مىندەتتەردى جۇزەگە اسىرۋ ءۇشىن بەيبىت ازاماتتارعا زورلىق-زومبىلىق كورسەتىپ، تەررورلىق اكتسيالار جاساۋعا بولمايدى. بۇل – ەش اقتاۋعا كەلمەيتىن ارەكەت، – دەدى پرەزيدەنت.
مەملەكەت باسشىسى تمد جانىنداعى سەرىكتەس جانە باقىلاۋشى مارتەبەسىنىڭ بەكىتىلۋىن بۇگىنگى وتىرىستىڭ ايتۋلى وقيعاسى رەتىندە اتاپ ءوتتى. سونىمەن قاتار، قاسىم-جومارت توقاەۆ بۇۇ قاۋىپسىزدىك كەڭەسىندەگى قازىرگى توقىراۋ جاعدايىندا امبەباپ ۇيىمنىڭ وكىلدىك اياسى اناعۇرلىم كەڭ ورگانى سانالاتىن بۇۇ باس اسسامبلەياسىنىڭ ءرولىن كۇشەيتۋگە مۇمكىندىك بار ءارى قاجەت دەپ ەسەپتەيدى.
–بۇل رەتتە بۇۇ قاۋىپسىزدىك كەڭەسىن رەفورمالاۋ ىسىندە اسىعىستىق تانىتۋعا بولمايدى. ءبىزدىڭ ويىمىزشا، بۇل ماڭىزدى ورگانعا الەمنىڭ بارلىق ايماعىنىڭ ەلدەرى، سونىڭ ىشىندە جاھاندىق وڭتۇستىك مەملەكەتتەرى مۇشە بولۋعا ءتيىس. شىن مانىندە، بۇل ۇستانىمدى وسى جيىنعا قاتىسىپ وتىرعان مەملەكەتتەر باسشىلارىنىڭ بارلىعى قۇپتايتىنى قۋانتادى", – دەدى پرەزيدەنت.
