Almaty oblysynda 90 ittı asyrap, olarǧa qamqorlyq jasaǧan Vladimir Tepliakovtyŋ ölımıne bailanysty küdıktı er adam qolǧa tüstı. Būl turaly 4 qaraşada Almaty oblystyq Polisiia departamentınıŋ baspasöz qyzmetı mälımdedı, dep habarlaidy “Adyrna”.
Vedomstvonyŋ habarlauynşa, kısı öltıru deregı boiynşa qylmystyq ıs 7 qazanda tırkelgen. Jürgızılgen jedel-ızdestıru şaralary nätijesınde küdıktınıŋ jeke basy anyqtalyp, ol ūstalǧan. Qazır küdıktı qamauda otyr.
Polisiia ökılderınıŋ mälımetınşe, tergeu amaldary jalǧasuda.
«Tergeu aiasynda ūstalǧan adamnyŋ atalǧan qylmysqa qatysy bar-joǧy tekserılıp, oqiǧanyŋ barlyq män-jaiy anyqtalyp jatyr», – dep habarlady vedomstvo.
Atalǧan qylmystyq ıstıŋ tergelu barysy Almaty oblysy Polisiia departamentı basşylyǧynyŋ erekşe baqylauyna alynǧan.
