Aqmola poliseilerı 20 jyl boiy ızdeude jürgen qylmyskerdı anyqtady, dep habarlaidy «Adyrna» tılşısı Işkı ıster ministrlıgınıŋ baspasöz qyzmetıne sılteme jasap.
Osy jyldar boiy er adam Resei Federasiiasynyŋ aumaǧynda jasyrynyp, tıptı basqa memlekettıŋ azamattyǧyn alyp, otbasyn qūrǧan.
«Ol 20 jyl boiy toptyq qaraqşylyq şabuyl jasaǧany üşın ızdeude boldy. QR QK-nıŋ 179-babynyŋ 2-bölıgı (eskı redaksiiada) qarastyrylǧan qylmys 2003 jyldyŋ mamyrynda jasalǧan. Sol uaqytta 27 jastaǧy er adam qylmystyq qudalau organdarynan jasyrynyp ülgerıp, İnguşetiia Respublikasynyŋ aumaǧynda ūzaq uaqyt tyǧylyp jürgen. 20 jyl boiy Aqmola poliseilerı onyŋ ornalasqan jerın anyqtau boiynşa jedel-ızdestıru ıs-şaralaryn toqtatqan emes. 2023 jyldyŋ mausymynda jasalǧan qylmysqa qatysy bar qylmysker 20 jyl ötken soŋ Malgobek qalasynda anyqtaldy. Er adamnyŋ otbasy men tört balasy bar ekendıgı belgılı boldy. Ol Qazaqstanda jasalǧan qylmysty ūmytpaǧan jäne özınıŋ qatysy bar ekendıgın joqqa şyǧarmady»,—dedı basqarma.Qazırgı uaqytta qajettı tergeu amaldary jürgızılıp jatyr.
Ūqsas jaŋalyqtar
