Qazaqşa taza söileitın Qazaq elındegı etnikalyq orys ūltynyŋ ökılı, Mäjılıs deputaty Gennadii Şipovskihtıŋ qazaq äielı jūrttyŋ synyna qaldy. Köŋılı küptı körermennıŋ alaŋdauyna da negız bar sekıldı. Sebebı, qazaǧym dep ömır sürgen deputattyŋ äielı qazaqşa söileuge qymsynyp, quystanatyn bolyp şyqty. Qazaqşany jetık bıletın orys ūltynyŋ azamatymen tūrmys qūrǧan qazaq qyzy kerısınşe, öz tılınen görı özge tılde jiı söileudı jön dep tapqan. Būl tek deputattyŋ äielıne tän ǧana jaǧdai emes, Qazaq elınde ösıp-öngen, alaida ūlttyq salt-sanadan jūrdai talai qazaqqa tän, dep habarlaidy "Adyrna" ūlttyq portaly Ekspress K-ǧa sılteme körsete otyryp.
Būǧan deiın tıl mäselesın köterıp, jūrttyŋ süiıspenşılıgıne bölenıp jürgen deputat Gennadii Şipovskihke soŋǧy kezde äielı turaly oqyrmandary köptegen sūraq qoia bastaǧan. Köŋılı küptı körermennıŋ alaŋdauyna da negız bar sekıldı. Sebebı, qazaǧym dep ömır sürgen deputattyŋ äielı qazaqşa söileuge qymsynyp, quystanatyn bolyp şyqty.
Jelı qoldanuşylaryn deputattyŋ jūbaiy nelıkten orysşa söileitını mazalaǧan. Būl saualdarǧa deputat jūbaiy ekeuı jauap berıp, onyŋ videosyn TıkTok paraqşasynda jariialady.
"Keibır oqyrmandarym "Nege Altynai (deputattyŋ jūbaiy: avtor) qazaqşa söilemeidı?", "Jūbaiyŋyzdy qazaqşa üiretıŋız" degen siiaqty sūraqtar qoiady. Osyǧan bailanysty kışıgırım tüsınıkteme bergım keledı. Bızdıŋ otbasy Qazaqstan halqy Assambleiasyna ūqsaidy desek, artyq bolmas. Nege deseŋızder, özım orys bola tūra üide ne syrtta bolsyn qazaqşa köp söileimın. Al Altynai qazaq bola tūra, keide ökınıştı-aq, orysşa köbırek söileidı", — dedı Gennadii Şipovskih.
Deputat bala künınen qazaqi ortada jürıp, mekteptı qazaq tılınde tämamdaǧanyn alǧa tartty. Ainalasyndaǧy jandardyŋ barlyǧy qazaq bolypty. Äielı Altynai da 1-synypqa qazaq mektebıne barǧanymen, ortasy orys tıldıler bolǧan. Sol üşın köbınde orysşa söileidı eken.
- Qazaqşa jaza da, söilei de alamyn. Qazaqtyŋ barlyq salt-dästürı men yrym-tyiymdaryn jaqsy bılemın. Bıraq, maǧan oiymdy orys tılınde jetkızu jeŋıl. Öitkenı ainalam orys tıldıler boldy. Sondyqtan sol tılde söileimın, - dedı deputattyŋ jūbaiy.
"Adyrna" ūlttyq portaly
Ūqsas jaŋalyqtar
deputat
Qazaqstan
Qazaq tılı
mäŋgürt
ūlttyq qūndylyqtar
qazaq elı
ūlttanu
genadii
Mäjılıs deputaty Gennadii Şipovskih
şalaqazaq
