Eldegı epid-ahualdyŋ kürt naşarlauynyŋ kesırınen engızılgen karantinge bailanysty memleket, qazaqstandyqtarǧa 42 500 teŋge tölenetını ne tölenbeitını turaly aqparat berdı, dep habarlaidy "Adyrna" ūlttyq portaly Tengrinews.kz-ke sıltep. Būl turaly eŋbek jäne halyqty äleumettık qorǧau Ministrlıgı mälımdegen edı.
Resmi saualǧa jauap retınde Eŋbek ministrlıgı, qazaqstandyqtarǧa 42 500 teŋge qaita beru josparlanbaǧanyn aitty.
«Qysqa merzımdı şekteu şaralary belgılı bır qyzmet türlerıne, negızınen demalys künderıne ǧana Qazaqstannyŋ kei aimaqtarynda engızılgen. Käsıpkerlıktı qoldau bügınde türlı salyq jeŋıldıkterımen jäne jeŋıldetılgen şaralarmen (salyq jäne basqa esep beru, tekseru qyzmetıne moratorii) ūsynylǧan. Osyǧan bailanysty, bügıngı künge deiın 42 500 töleudı qalpyna keltıru turaly mäsele qarastyrylmaǧan », dep jauap berdı departament.Ministrlık byltyr tötenşe jaǧdai men karantinge, qyzmetke qoiylǧan şekteulerge bailanysty kırısterın joǧaltqan jūmys ısteitın azamattarǧa Memlekettık äleumettık saqtandyru qory esebınen 42 500 teŋge mölşerınde äleumettık tölem jasalǧanyn eske tüsırdı. «Būl būryn-soŋdy bolmaǧan jūmys ısteitın azamattardy qoldau şarasy boldy. Jalpy alǧanda, 4,6 millionnan astam adam, būl tölemdı jalpylai 476,3 milliard teŋgege aldy», dep tolyqtyrdy ministrlık. Būl turaly 2020 jyldyŋ qaraşa aiynda Eŋbek jäne halyqty äleumettık qorǧau ministrı Bırjan Nūrymbetov aitty.
"Adyrna" ūlttyq portaly
Ūqsas jaŋalyqtar
