Adam ömırıne araşa bolyp, abzaldyq ūstanyman ainymai qyzmet etıp kele jatqan neirohirurg, qazaqşyl därıger öz oqiǧasymen bölıstı. İnenıŋ közındei kışkene "tırşılık talşyqtaryn" tarqatyp, köp jannyŋ betın berı qaratqan därıgerdıŋ käsıbilıgıne qūrmet tanytyp jatqandar köp. Degenmen därıger özınıŋ azamattyq ökınışın de ışıne būǧyp qalmady. "Adyrna" ūlttyq portaly därıgerdıŋ säulelı sätterı men ışkı qynjylysyn baiandaidy.
“3 jeltoqsan. Demalys künı. Köpşılıktıŋ janūiasyna uaqyt böletın künı. Bız bolsaq, adamdardyŋ ömırıne arpalysudamyz. Taŋerteŋnen bır-ekı şarualarymdy bıtırgen soŋ, tüske taiaǧan şaqta, oŋtüstık öŋırımızdıŋ bedeldı jazuşysy Marhabat Baiǧūt aǧamyzdyŋ jetı kündık asyna qatysyp, qūran ışınde boldyq. Sodan üige kırgenım sol edı telefonym şyryldady. Kezekşı därıger, midyŋ tamyry bıtelıp, insultpen tüsken nauqas jönınde baiandady. Bastalǧan uaqytynan 1 saǧat ötken eken, sol jaq qol-aiaǧy sal bolyp qalypty. Midy qūtqaruǧa ülgerıp jatyrmyz.
Komandany jinap, otaǧa daiyndasyn degen tapsyrma berıp, jūmysqa jinala bastadym. Otaǧa aldyq. Otamyz sättı öttı, midyŋ tamyry aşyldy. Nauqastyŋ ıstemei tūrǧan qol-aiaǧy ota üstelınıŋ üstınde qalypqa keldı. Şyqsam tuystary tūr eken. Jaǧdaidyŋ barlyǧyn aşyp aittym. Quanyp qaldy.Sol mezette telefonym qaita şyryldady. Kezekşı därıger miǧa qan qūiylumen nauqas tüsıp jatyr dedı. Astyna tüsıp tomografiiada jasalǧan suretterdı qarap şyǧyp, anevrizmasy jyrtylǧan degen boljamǧa keldık. Otaǧa daiyndaŋyzdar dedım.Tuystaryna män-jaidy tüsındırıp, nauqasty otaǧa aldyq. Nauqasta oilaǧanymyzdai aq anevrizmasy jyrtylyp ketken eken, bıraq odan da bölek arteriovenozdy-malformasiiasy bar eken. Būl aqau mida qalypty jaǧdaida kezdespeitın şimaqtalǧan tamyrlardyŋ aqauy, anevrizmanyŋ paida boluynyŋ sebebı de sodan bolsa kerek. Ota sättı öttı. Jyrtylǧan anevrizmasyn jauyp tastadyq. Tuystary quanyp qaldy.
Bıraq ömırde barlyq ota oilaǧandai sättı ötpeidı. Keide bızge bailanysy joq asqynular da bolyp jatady. Ondai kezde nauqastardyŋ tuystary üşın sen jek körınıştı bolasyŋ.Tüsınetını bar, tüsınbeitını bar. Käsıbımızdıŋ bar qiyndyǧyn sol mezette tüsınesıŋ. Jüregıŋ qynjylyp tūrsa da, tuystary qarǧys aityp jatady. Amal qanşa, ömırde ondai mezetter sirek te bolsa, ökınışke qarai, bolyp tūrady”.
Därıgerdıŋ özı baiandaǧan oqiǧany oqyp, jüregı eljırep jatqan jandar köp:
"Bärekeldı, qazaqtan myqty därıgerler şyqty", "Oŋai emes. Bılıktı, myqty Qazaqtar jasai bersın!", "Adam janyna araşa tüser aq halatty abzal jandar aman bolsyn!", "Bauyrymnyŋ basyna amandyq tıleimın!", - dep jazdy qalyŋ köpşılık.
"Adyrna" ūlttyq portaly
Ūqsas jaŋalyqtar
Qazaqstan
därıger
qazaq därıgerıŋ
qazaq medisinasy
mi qūrylysy
mi qyzmetı
#batyry #batyrlar #kazahskiebatyry #Qazaqbatyrlary #etnoproektorda #hostesAlmaty
