قازىرگى قوعامداعى ەڭ وزەكتى ماسەلەلەردىڭ ءبىرى – ءبىلىم بەرۋ پروتسەسىنە قاتىسۋشىلاردىڭ بارلىعىنا، سونىڭ ىشىندە مەكتەپتە قاۋىپسىزدىكتى قامتاماسىز ەتۋ بولىپ تابىلادى.
مەكتەپ بالالاردىڭ كۇندەلىكتى ومىرىندە ماڭىزدى ءرول اتقارادى ءارى وقۋ باعدارلاماسى ولاردى كۇيزەلىسكە توتەپ بەرۋگە، سونداي-اق بۋللينگ پەن زورلىق-زومبىلىقتىڭ وزگە دە تۇرلەرىمەن كۇرەسۋگە ۇيرەتۋى ءتيىس.
قاۋىپسىز مەكتەپ ورتاسىن قالىپتاستىرۋ باعىتىندا «وركەن» بالالاردىڭ ءال-اۋقاتىن ارتتىرۋ ۇلتتىق عىلىمي-پراكتيكالىق ينستيتۋتى» كەاق 2024 جىلى ءبىلىم بەرۋ ۇيىمدارىنداعى ءبىلىم الۋشىلاردى جابىرلەۋدىڭ (بۋللينگتىڭ) الدىن الۋعا ارنالعان «دوسبولLIKE» باعدارلاماسىن ازىرلەدى.
«دوسبولLIKE» باعدارلاماسى كەلەسى ماقساتتارعا باعىتتالعان:
- ءبىلىم الۋشىلار اراسىنداعى اگرەسسيۆتى مىنەز-قۇلىقتىڭ الدىن الۋ;
- بالالار اراسىنداعى جانە توپتىق قارىم-قاتىناستى وڭتايلاندىرۋ;
- جانجال كەزىندە ءبىلىم الۋشىلاردىڭ كونسترۋكتيۆتى ارەكەت ەتۋ داعدىلارىن قالىپتاستىرۋ;
- ءبىلىم الۋشىلاردىڭ الەۋمەتتىك-ەموتسيونالدىق داعدىلارىن (توزىمدىلىك، ەمپاتيا جانە ت.ب.) دامىتۋ.
وقۋشىلاردىڭ الەۋمەتتىك-ەموتسيونالدىق داعدىلارىن دامىتۋعا باعىتتالعان جوبالىق قىزمەت باعدارلاما نەگىزىنە الىنعان. بۇل مەكتەپتە زورلىق-زومبىلىققا قارسى اتموسفەرا قالىپتاستىرۋدىڭ ماڭىزدى فاكتورى بولىپ تابىلادى. باعدارلامانى 1-11 سىنىپ وقۋشىلارىنا جانە كوللەدجدەردىڭ 1-2 كۋرس ستۋدەنتتەرىنە وقىتۋ ۇسىنىلادى.
2025 جىلدىڭ 1 قىركۇيەگىنەن باستاپ قازاقستاننىڭ بارلىق مەكتەپتەرى مەن كوللەدجدەرىندە بۋللينگتىڭ الدىن الۋعا ارنالعان «دوسبولLIKE» باعدارلاماسى ەنگىزىلدى. بۇل باستاما بالالار مەن جاسوسپىرىمدەر اراسىنداعى بۋللينگتى ازايتۋعا، سونداي-اق قاۋىپسىز جانە سىيلاستىققا نەگىزدەلگەن ءبىلىم بەرۋ ورتاسىن قۇرۋعا باعىتتالعان.
2025 جىلدان باستاپ اقمولا وبلىسىنىڭ 623 پەداگوگى ء«بىلىم بەرۋ ۇيىمدارىندا بۋللينگتىڭ الدىن الۋ باعدارلاماسىنىڭ عىلىمي-پراكتيكالىق نەگىزدەرى» ءبىلىم بەرۋ باعدارلاماسى بويىنشا بىلىكتىلىكتى ارتتىرۋ كۋرستارىنان ءوتتى.
اتالعان باعدارلامانىڭ وزەكتىلىگى ءبىلىم بەرۋ ۇيىمدارىنىڭ تاجىريبەسىنە كامەلەتكە تولماعاندارعا قاتىستى زورلىق-زومبىلىق، بۋللينگ جانە كيبەربۋللينگ فاكتىلەرىنىڭ وسۋىنە توسقاۋىل بولاتىن تەتىكتەر مەن ادىستەمەلەر جۇيەسىن ەنگىزۋدىڭ ماڭىزىن ايقىندادى..
كۋرستى اياقتاعاننان كەيىن پەداگوگتەر:
ءبىلىم بەرۋ ۇيىمدارىندا جابىرلەۋدىڭ (بۋللينگتىڭ) الدىن الۋ بويىنشا پەداگوگتەردىڭ پسيحولوگيالىق-پەداگوگيكالىق قىزمەتىن رەتتەيتىن نورماتيۆتىك-قۇقىقتىق اكتىلەر تۋرالى جۇيەلى ءبىلىمدى مەڭگەرەدى;
«دوسبولLIKE» باعدارلاماسىنىڭ تۇجىرىمدامالىق جانە مازمۇندى-ادىستەمەلىك نەگىزدەرىن مەڭگەرەدى;
ءبىلىم بەرۋ ۇيىمدارىندا بالالاردىڭ ءجابىر كورۋىنە (بۋللينگكە) قارسى ءىس-قيمىل بويىنشا جۇيەلى جۇمىس ىستەۋ داعدىلارىن مەڭگەرەدى;
وقۋشىلارمەن ينتەراكتيۆتى ساباقتار وتكىزەدى، ءبىلىم بەرۋ ۇيىمىندا قولايلى الەۋمەتتىك-پسيحولوگيالىق احۋال قالىپتاستىرۋ بويىنشا اتا-انالارمەن جۇمىس جۇرگىزەدى.
تەك بىرىڭعاي ءادىستى پايدالانا وتىرىپ بۋللينگكە جول بەرىلمەيتىن جانە ءاربىر وقۋشىنىڭ ءال-اۋقاتى باستى نازاردا بولاتىن ورتانى قۇرۋعا بولادى.
