قىزىلوردا پوليتسەيلەرى قىزمەت بارىسىندا باسشىلىق تاراپىنان كورگەن ءجابىر مەن سان-سالالى قىسىمدى جىكتەپ جازىپ، ەل باسشىسى قاسىم-جومارت توقاەۆقا حات جازدى. جەتپىستەن استاپ ءتارتىپ ساقشىسى قول قويعان ۇجىمدىق ارىزدا باسشىلىقتىڭ پوليتسەيلەردى قۇقىق بۇزىپ، حالىققا قىسىم كورسەتۋگە يتەرمەلەپ وتىرعانى جانە قاراجات جيناتۋ سەكىلدى زاڭسىز ارەكەتتەرگە ماجبۇرلەيتىنى باياندالعان، دەپ حابارلايدى "ادىرنا" ۇلتتىق پورتالى.
قىزىلوردا قالاسى، پوليتسيا باسقارماسىنىڭ جەرگىلىكتى قىزمەتكەرلەرى ۇجىمدىق ارىزدا قىزمەتتى بەلدەن باسىپ، باسشىلىقتىڭ "بارماق باستى، كوز قىستىعا" بارۋى، قىزمەتتىك ورتاداعى جايسىزدىق، حالىققا قالتقىسىز قىزمەت ەتۋگە وڭ جاعدايدىڭ جاسالماۋى، شەتى جوعارىنىڭ وزبىرلىعى cۋرەتتەلگەن. سونىمەن قاتار، سەبەپسىز قارجى جيناتىپ، حالىقتى "اسىرەقاناۋعا" ىقپال ەتۋى، شەن-شەكپەن ماسەلەسىندەگى سەلقوستىق، قىزمەتتىك ءىس-ساپار اقىسىنىڭ تولەنبەۋى مەن جۇمىس ۋاقىتىنان تىس "شابارماندىق" ىسكە جەگۋ سىندى كىلتيپاندار كەڭىنەن تاڭبالانعان. ماسەلەن، ارىزدانۋشىلار ءبىراۋىزدان:
- قىزىلوردا قالاسى مەن وبلىس توڭىرەگىندەگى حالىقتىڭ قايسى بىرىنەن سۇراساڭىز دا، كۇندەلىكتى كوشەدە ءجۇرىپ-تۇرۋىن ايتپاعاندا، ءتۇن مەزگىلىندە ءجاسوسپىرىم بالالارمەن سەرۋەندەۋگە قورقاتىنىن ايتادى. سەبەبى، بارلىعى كوشەدە جۇرەتىن بۇزاقىلاردان ەمەس، پوليتسيادان قورقادى... ونىڭ باستى سەبەبى - پوليتسيا قىزمەتكەرلەرىنە بەرىلگەن باسشى تاپسىرماسى. كوشەدە حالىق جۇرمەسىن، جۇرسە، جاۋاپقا تارتىڭدار دەگەن نەگىزى" - دەپ جازدى ولار.
مۇنىمەن قوسا پوليتسەيلەر ءوز قاراجاتىنا جوندەۋ جۇمىستارىن جۇرگىزگەندەرىن دە بۇعىپ قالمادى:
- ونىڭ دالەلى رەتىندە قىزىلوردا قالاسىنا ءىc-ساپارمەن قر ءىىم-ءرى م. م. احمەتجانوۆ مىرزانى كەلەدى دەگەن نەگىزبەن، 2022 جىلدىڭ جەلتوقسان ايىندا ءوز قاراجاتىمىزعا جوندەۋ جۇمىسىن جۇرگىزگەندىگىمىز، - دەدى ويى سان-ساققا جۇگىرگەن ساقشىلار.
ارىزعا قول قويعاندارعا قاتىستى دەرەك:
"ادىرنا" ۇلتتىق پورتالى
