رەسەيگە ۆيزاسىز كىرەتىن شەتەل ازاماتتارىنىڭ ۋاقىتشا بولۋ ەرەجەلەرىنە بىرقاتار وزگەرىس ەنگىزىلدى، دەپ حابارلايدى “ادىرنا” ۇلتتىق پورتالى.
قازاقستاننىڭ رەسەيدەگى ەلشىلىگى ەلگە كەلۋدى جوسپارلاعان قازاقستاندىقتارعا جاڭا ەرەجەلەر تۋرالى ەسكەرتۋ جاسادى.
«2025 جىلدىڭ 1 قاڭتارىنان باستاپ رەسەيگە ۆيزاسىز كىرەتىن شەتەل ازاماتتارىنىڭ ۋاقىتشا بولۋ ەرەجەلەرىنە وزگەرىستەر ەنگىزىلەدى. 2024 جىلعى 8 تامىزدا قابىلدانعان №260-فز فەدەرالدىق زاڭى بويىنشا، شەتەل ازاماتتارىنىڭ رەسەي اۋماعىندا بولۋ مەرزىمى جىل ىشىندە 90 كۇنمەن شەكتەلەدى»، — دەلىنگەن ەلشىلىكتىڭ حابارلاماسىندا.رەسەي اۋماعىندا شەتەل ازاماتتارىنىڭ بولۋ مەرزىمى ءبىر جىلدىڭ ىشىندە جيىنتىق تۇردە 90 كۇنمەن شەكتەلگەن. ال بۇعان دەيىن 180 كۇن ىشىندە 90 كۇن بولۋى مۇمكىن ەدى. ودان بولەك، ءبىلىم الۋ، جۇمىس ىستەۋ، ۋاقىتشا تۇرۋ نەمەسە باسپانا الۋ ماقساتىندا كەلگەن ازاماتتار عانا رەسەيدە 90 كۇننەن ارتىق بولا الادى.
ۇقساس جاڭالىقتار
