Qyzylorda poliseilerı qyzmet barysynda basşylyq tarapynan körgen jäbır men san-salaly qysymdy jıktep jazyp, el basşysy Qasym-Jomart Toqaevqa hat jazdy. Jetpısten astap tärtıp saqşysy qol qoiǧan ūjymdyq aryzda basşylyqtyŋ poliseilerdı qūqyq būzyp, halyqqa qysym körsetuge itermelep otyrǧany jäne qarajat jinatu sekıldı zaŋsyz äreketterge mäjbürleitını baiandalǧan, dep habarlaidy "Adyrna" ūlttyq portaly.
Qyzylorda qalasy, Polisiia basqarmasynyŋ jergılıktı qyzmetkerlerı ūjymdyq aryzda qyzmettı belden basyp, basşylyqtyŋ "barmaq basty, köz qystyǧa" baruy, qyzmettık ortadaǧy jaisyzdyq, halyqqa qaltqysyz qyzmet etuge oŋ jaǧdaidyŋ jasalmauy, şetı joǧarynyŋ ozbyrlyǧy curettelgen. Sonymen qatar, sebepsız qarjy jinatyp, halyqty "äsıreqanauǧa" yqpal etuı, şen-şekpen mäselesındegı selqostyq, qyzmettık ıs-sapar aqysynyŋ tölenbeuı men jūmys uaqytynan tys "şabarmandyq" ıske jegu syndy kıltipandar keŋınen taŋbalanǧan. Mäselen, aryzdanuşylar bırauyzdan:
- Qyzylorda qalasy men oblys töŋıregındegı halyqtyŋ qaisy bırınen sūrasaŋyz da, kündelıktı köşede jürıp-tūruyn aitpaǧanda, tün mezgılınde jasöspırım balalarmen seruendeuge qorqatynyn aitady. Sebebı, barlyǧy köşede jüretın būzaqylardan emes, polisiiadan qorqady... Onyŋ basty sebebı - polisiia qyzmetkerlerıne berılgen basşy tapsyrmasy. Köşede halyq jürmesın, jürse, jauapqa tartyŋdar degen negızı" - dep jazdy olar.
Mūnymen qosa poliseiler öz qarajatyna jöndeu jūmystaryn jürgızgenderın de būǧyp qalmady:
- Onyŋ dälelı retınde Qyzylorda qalasyna ıc-saparmen QR IIM-rı M. M. Ahmetjanov myrzany keledı degen negızben, 2022 jyldyŋ jeltoqsan aiynda öz qarajatymyzǧa jöndeu jūmysyn jürgızgendıgımız, - dedı oiy san-saqqa jügırgen saqşylar.
Aryzǧa qol qoiǧandarǧa qatysty derek:
"Adyrna" ūlttyq portaly
Ūqsas jaŋalyqtar
