Қазақстан Республикасының Сыбайлас жемқорлыққа қарсы іс-қимыл агенттігі Төрағасының орынбасары, сыбайлас жемқорлыққа қарсы қызметтің генерал-майоры Асхат Жұмағали Біріккен Араб Әмірлігінің Бас прокурорымен кездесті, деп хабарлайды "Адырна" ұлттық порталы.
Біріккен Араб әмірліктеріне болған кездесу жайлы сыбайлас жемқорлыққа қарсы қызметтің генерал-майоры Асхат Жұмағалидің өзі хабарлады.
- Жұмыс кездесулерін жалғастырудамыз. Бүгін бізді БАӘ Бас прокуроры қабылдады. Біз іздестіру және экстрадициялау мәселелерін талқыладық, - деді генерал-майор.Еске сала кетейік, осыған дейін де ҚР Бас прокуратурасының баспасөз қызметі:
«БАӘ Әділет Министрі қылмыскерлерді беру және қылмыстық істер бойынша құқықтық көмек көрсету мәселелері бойынша Қазақстан Бас прокуратурасымен ынтымақтастыққа дайын екендігін мәлімдеді,сондай-ақ іздеуде жүрген тұлғаларды экстрадициялау туралы Қазақстанның барлық сұранымдарын жедел және оң шешім шығара отырып қарауға қажетті барлық шаралардың қабылданатынына сендірді», -деген болатын.
"Адырна" ұлттық порталы
бас прокурор
Біріккен Араб Әмірлігі
Қазақстан Республикасының Сыбайлас жемқорлыққа қарсы іс-қимыл агенттігі
Асхат Жұмағали
