Qazaqstan Respublikasynyŋ Sybailas jemqorlyqqa qarsy ıs-qimyl agenttıgı Töraǧasynyŋ orynbasary, sybailas jemqorlyqqa qarsy qyzmettıŋ general-maiory Ashat Jūmaǧali Bırıkken Arab Ämırlıgınıŋ Bas prokurorymen kezdestı, dep habarlaidy "Adyrna" ūlttyq portaly.
Bırıkken Arab ämırlıkterıne bolǧan kezdesu jaily sybailas jemqorlyqqa qarsy qyzmettıŋ general-maiory Ashat Jūmaǧalidıŋ özı habarlady.
- Jūmys kezdesulerın jalǧastyrudamyz. Bügın bızdı BAÄ Bas prokurory qabyldady. Bız ızdestıru jäne ekstradisiialau mäselelerın talqyladyq, - dedı general-maior.Eske sala keteiık, osyǧan deiın de QR Bas prokuraturasynyŋ baspasöz qyzmetı:
«BAÄ Ädılet Ministrı qylmyskerlerdı beru jäne qylmystyq ıster boiynşa qūqyqtyq kömek körsetu mäselelerı boiynşa Qazaqstan Bas prokuraturasymen yntymaqtastyqqa daiyn ekendıgın mälımdedı,sondai-aq ızdeude jürgen tūlǧalardy ekstradisiialau turaly Qazaqstannyŋ barlyq sūranymdaryn jedel jäne oŋ şeşım şyǧara otyryp qarauǧa qajettı barlyq şaralardyŋ qabyldanatynyna sendırdı», -degen bolatyn.
"Adyrna" ūlttyq portaly
Ūqsas jaŋalyqtar
bas prokuror
Bırıkken Arab Ämırlıgı
Qazaqstan Respublikasynyŋ Sybailas jemqorlyqqa qarsy ıs-qimyl agenttıgı
Ashat Jūmaǧali
