Қазақстан Президенті Қасым-Жомарт Тоқаев мемлекеттік сапармен Венгрияға барды, деп хабарлайды "Адырна" ұлттық порталы Ақорданың баспасөз қызметіне сілтеме жасап.
Мемлекет басшысын Будапешт әуежайында Венгрияның премьер-министрі Виктор Орбан күтіп алды.
Ақорданың мәліметінше, Қасым-Жомарт Тоқаев Венгрия президенті Тамаш Шуйокпен және премьер-министр Виктор Орбанмен келіссөздер өткізеді. Бұл кездесулерде екі ел арасындағы саяси, сауда-экономикалық және мәдени-гуманитарлық салалардағы стратегиялық әріптестікті дамыту перспективалары талқыланады.
Сонымен қатар, Қазақстан Президенті Мажарстанның ірі бизнес өкілдерімен де кездесу өткізуді жоспарлап отыр.
Будапешт қаласына мемлекеттік сапармен келген Қасым-Жомарт Тоқаев Венгрия премьер-министрі Виктор Орбанмен бірге Puskas Arena Park стадионына барып, УЕФА Ұлттар лигасы аясында өтіп жатқан Венгрия мен Германия құрамалары арасындағы футбол матчын тамашалады.
Diğer Haberler
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз