قازاقستان پرەزيدەنتى قاسىم-جومارت توقاەۆ مەملەكەتتىك ساپارمەن ۆەنگرياعا باردى، دەپ حابارلايدى "ادىرنا" ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسىن بۋداپەشت اۋەجايىندا ۆەنگريانىڭ پرەمەر-ءمينيسترى ۆيكتور وربان كۇتىپ الدى.
اقوردانىڭ مالىمەتىنشە، قاسىم-جومارت توقاەۆ ۆەنگريا پرەزيدەنتى تاماش شۋيوكپەن جانە پرەمەر-مينيستر ۆيكتور وربانمەن كەلىسسوزدەر وتكىزەدى. بۇل كەزدەسۋلەردە ەكى ەل اراسىنداعى ساياسي، ساۋدا-ەكونوميكالىق جانە مادەني-گۋمانيتارلىق سالالارداعى ستراتەگيالىق ارىپتەستىكتى دامىتۋ پەرسپەكتيۆالارى تالقىلانادى.
سونىمەن قاتار، قازاقستان پرەزيدەنتى ماجارستاننىڭ ءىرى بيزنەس وكىلدەرىمەن دە كەزدەسۋ وتكىزۋدى جوسپارلاپ وتىر.
بۋداپەشت قالاسىنا مەملەكەتتىك ساپارمەن كەلگەن قاسىم-جومارت توقاەۆ ۆەنگريا پرەمەر-ءمينيسترى ۆيكتور وربانمەن بىرگە Puskas Arena Park ستاديونىنا بارىپ، ۋەفا ۇلتتار ليگاسى اياسىندا ءوتىپ جاتقان ۆەنگريا مەن گەرمانيا قۇرامالارى اراسىنداعى فۋتبول ماتچىن تاماشالادى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز