Құтқарушылар Түркістан облысы Біркөлік тауында адасып кеткен үш туристті эвакуациялады, деп хабарлайды «Адырна» тілшісі облыстық ТЖД баспасөз қызметіне сілтеме жасап.
Жігіттердің адасқандары туралы хабарлама ағымдағы жылдың 6 маусым күні түскен. Олар Біркөлік шатқалы бағытындағы сарқырамаға бармақшы болған.
Құтқарушылар тікұшақпен іздеу жұмыстарын жүргізген. Нәтижесінде сағат 17:25-те зардап шеккендер табылып, құтқарылды.
«Сағат 16:33-те зардап шеккендерді құтқару үшін жедел штабтан Төтенше жағдайлар министрлігінің "Қазавиаспас" АҚ Mi-8AMT UP-MI871 ұшағы және Түркістан обылысы Төтенше жағдайлар департаменті басшысының орынбасары, подполковник Е. Сарыбаев, жедел құтқару жасағынан 6 құтқарушы жіберілген. 17:25-те тікұшақпен іздеу жұмыстары кезінде үш адам табылып, құтқарылды. Кешкі сағат 17:55-те құтқарылған адамдар Шымкент қаласының әуежайына жеткізілді,"— деп жазды баспасөз қызметі.
«Адырна» ұлттық порталы
