قۇتقارۋشىلار تۇركىستان وبلىسى بىركولىك تاۋىندا اداسىپ كەتكەن ءۇش ءتۋريستتى ەۆاكۋاتسيالادى، دەپ حابارلايدى «ادىرنا» ءتىلشىسى وبلىستىق تجد ءباسپاسوز قىزمەتىنە سىلتەمە جاساپ.
جىگىتتەردىڭ اداسقاندارى تۋرالى حابارلاما اعىمداعى جىلدىڭ 6 ماۋسىم كۇنى تۇسكەن. ولار بىركولىك شاتقالى باعىتىنداعى سارقىراماعا بارماقشى بولعان.
قۇتقارۋشىلار تىكۇشاقپەن ىزدەۋ جۇمىستارىن جۇرگىزگەن. ناتيجەسىندە ساعات 17:25-تە زارداپ شەككەندەر تابىلىپ، قۇتقارىلدى.
«ساعات 16:33-تە زارداپ شەككەندەردى قۇتقارۋ ءۇشىن جەدەل شتابتان توتەنشە جاعدايلار مينيسترلىگىنىڭ "قازاۆياسپاس" اق Mi-8AMT UP-MI871 ۇشاعى جانە تۇركىستان وبىلىسى توتەنشە جاعدايلار دەپارتامەنتى باسشىسىنىڭ ورىنباسارى، پودپولكوۆنيك ە. سارىباەۆ، جەدەل قۇتقارۋ جاساعىنان 6 قۇتقارۋشى جىبەرىلگەن. 17:25-تە تىكۇشاقپەن ىزدەۋ جۇمىستارى كەزىندە ءۇش ادام تابىلىپ، قۇتقارىلدى. كەشكى ساعات 17:55-تە قۇتقارىلعان ادامدار شىمكەنت قالاسىنىڭ اۋەجايىنا جەتكىزىلدى،"— دەپ جازدى ءباسپاسوز قىزمەتى.
«ادىرنا» ۇلتتىق پورتالى
