Таиландта шетелдіктер үшін визасыз режим 60 күннен 30 күнге қысқартылады, деп хабарлайды "Адырна" ұлттық порталы.
Бұл туралы елдің мемлекеттік департаменті мәлімдеді.
"Премьер-министр Чинават Пэтонгтарн шетелдіктердің кейбірі заңды бұзып жатқанын – мысалы, елде болу мерзімін асырып немесе заңсыз жұмыс істеп жатқанын анықтағаннан кейін визасыз кіру бағдарламасын қайта қарауды тапсырды. Осыған байланысты сыртқы істер министрлігіне, ішкі істер министрлігіне және туризм және спорт министрлігіне бағдарламаның салдарын зерттеп, елде болу мерзімін қайта қарау тапсырылды. Мақсат – бағдарламаны туризмді дамыту мақсатына жақсырақ сәйкестендіру", – делінген хабарламада.
Қазіргі уақытта 93 ел мен аумақтың азаматтары туризм немесе шұғыл жұмыс сапары үшін Таиландқа визасыз кіріп, 60 күнге дейін бола алады және мерзімді тағы 30 күнге ұзартуға мүмкіндік бар.
