تايلاندتا شەتەلدىكتەر ءۇشىن ۆيزاسىز رەجيم 60 كۇننەن 30 كۇنگە قىسقارتىلادى، دەپ حابارلايدى "ادىرنا" ۇلتتىق پورتالى.
بۇل تۋرالى ەلدىڭ مەملەكەتتىك دەپارتامەنتى مالىمدەدى.
"پرەمەر-مينيستر چيناۆات پەتونگتارن شەتەلدىكتەردىڭ كەيبىرى زاڭدى بۇزىپ جاتقانىن – مىسالى، ەلدە بولۋ مەرزىمىن اسىرىپ نەمەسە زاڭسىز جۇمىس ىستەپ جاتقانىن انىقتاعاننان كەيىن ۆيزاسىز كىرۋ باعدارلاماسىن قايتا قاراۋدى تاپسىردى. وسىعان بايلانىستى سىرتقى ىستەر مينيسترلىگىنە، ىشكى ىستەر مينيسترلىگىنە جانە تۋريزم جانە سپورت مينيسترلىگىنە باعدارلامانىڭ سالدارىن زەرتتەپ، ەلدە بولۋ مەرزىمىن قايتا قاراۋ تاپسىرىلدى. ماقسات – باعدارلامانى ءتۋريزمدى دامىتۋ ماقساتىنا جاقسىراق سايكەستەندىرۋ", – دەلىنگەن حابارلامادا.
قازىرگى ۋاقىتتا 93 ەل مەن اۋماقتىڭ ازاماتتارى تۋريزم نەمەسە شۇعىل جۇمىس ساپارى ءۇشىن تايلاندقا ۆيزاسىز كىرىپ، 60 كۇنگە دەيىن بولا الادى جانە مەرزىمدى تاعى 30 كۇنگە ۇزارتۋعا مۇمكىندىك بار.
