Өзбекстанның коммерциялық банктеріне жүзім өсіруді қаржыландыру үшін 100 миллион доллар бөлінеді. Бұл туралы президенттің баспасөз қызметі мәлімдеді, деп хабарлайды «Адырна» ұлттық порталы.
«1 гектар алқапқа жүзім егуге орташа есеппен 100 миллион сум жұмсалады. Ал ол 4 жылдан кейін 250 миллион сум пайда әкелуі мүмкін», - делінген хабарламада.Баспасөз қызметінің мәліметінше, бұл жердегі жүзімнің шығымы Азияның басқа елдеріне қарағанда 1,5-2 есе төмен. Сонымен қатар жүзім экспортын - 200 миллион долларға дейін, мейізді - 130 миллион долларға, ал табиғи шарап экспортын - 50 миллион долларға дейін ұлғайтуға болатындығы айтылды. Бұдан бөлек хабарламада шарап туризмін дамыту да ұсынылды.
"Адырна" ұлттық порталы
