وزبەكستاننىڭ كوممەرتسيالىق بانكتەرىنە ءجۇزىم ءوسىرۋدى قارجىلاندىرۋ ءۇشىن 100 ميلليون دوللار بولىنەدى. بۇل تۋرالى پرەزيدەنتتىڭ ءباسپاسوز قىزمەتى مالىمدەدى، دەپ حابارلايدى «ادىرنا» ۇلتتىق پورتالى.
«1 گەكتار القاپقا ءجۇزىم ەگۋگە ورتاشا ەسەپپەن 100 ميلليون سۋم جۇمسالادى. ال ول 4 جىلدان كەيىن 250 ميلليون سۋم پايدا اكەلۋى مۇمكىن»، - دەلىنگەن حابارلامادا.ءباسپاسوز قىزمەتىنىڭ مالىمەتىنشە، بۇل جەردەگى ءجۇزىمنىڭ شىعىمى ازيانىڭ باسقا ەلدەرىنە قاراعاندا 1,5-2 ەسە تومەن. سونىمەن قاتار ءجۇزىم ەكسپورتىن - 200 ميلليون دوللارعا دەيىن، مەيىزدى - 130 ميلليون دوللارعا، ال تابيعي شاراپ ەكسپورتىن - 50 ميلليون دوللارعا دەيىن ۇلعايتۋعا بولاتىندىعى ايتىلدى. بۇدان بولەك حابارلامادا شاراپ ءتۋريزمىن دامىتۋ دا ۇسىنىلدى.
"ادىرنا" ۇلتتىق پورتالى
