Алматы облысында мемлекеттік қызметкерлердің жұмыс уақыты 08:00-ден 17:30-ға дейін өзгертілді. Бұл туралы бүгін, 16 маусымда облыс әкімдігінің баспасөз қызметі айтты, деп хабарлайды «Адырна» тілшісі.
Ал түскі үзіліс уақыты 12:30-дан 14:00-ге дейін болады.
«Бұл ретте Қазақстан Республикасының заңнамасына сәйкес міндетті сегіз сағаттық жұмыс күні толық көлемде сақталады»,—делінген хабарламада.
Еске салайық, наурыз айында ШҚО-дағы Тарбағатай, Зайсан, Күршім және Самар аудандары жаңа жұмыс кестесіне ауысқан еді.