Мұғалімді балағаттағаны үшін мектептен шығарылған Назарбаев Зияткерлік мектебінің 11-сынып оқушысы Сұңқар Майқан орта білім туралы аттестат алды, деп хабарлайды "Адырна" ұлттық порталы.
Енді ол басқа мектепте қайтадан 11-сыныпты оқымайды.
Қоғам белсендісі Аида Бұқаева Facebook парақшасында жазғандай, ол екі күн бойы бұрынғы НЗМ оқушысы Сұңқарды Алматыдағы мектептерге ертіп барған. Кейбір мектептер оны 1 қыркүйектен бастап 11-сыныпқа қайта қабылдауға дайын болған.
Алайда №8 мектеп-гимназиясында оған қорытынды емтихан тапсыруға мүмкіндік беріліп, Сұңқар «үштік» бағасыз, яғни қанағаттанарлық білім нәтижесімен орта білім аттестатын алған. Енді ҰБТ-ны тапсыруға дайындалып жатыр.
