Қырғызстанда ұшақ пен тікұшаққа ұқсас жеңіл тікұшақтар құрастырылып жатыр, деп хабарлайды "Адырна" ұлттық порталы.
Бұл ұшу аппараттары сынақтан өтіп, жақын арада егіс алқаптарында фермерлерге көмектесіп, жол жетпейтін жерлерге адам тасымалдауға кіріседі.
Жеңіл тікұшақ сыртқы пішінімен тікұшаққа ұқсайды. Ол жеңіл авиациядағы ең қауіпсіз көліктердің бірі саналады. Қазіргі таңда Қырғызстанда мұндай 4 аппарат бар. Олар Бішкек маңындағы ангарда қолмен құрастырылады.
Ұшақ құрастыруда бас нұсқаушы Әділбек Құрманбаев — 17 жылдық тәжірибесі бар маман. Оның айтуынша, әр жеңіл тікұшақты жасауға шамамен екі ай уақыт кетеді. Қажетті бөлшектер Ресей мен Еуропадан әкелініп, Қырғызстанда қайта өңделеді. АИ-95 немесе АИ-98 маркалы кәдімгі бензинмен жұмыс істейді.
Жеңіл тікұшақтар ауыл шаруашылығынан бастап төтенше жағдайларға дейін түрлі салаларда қолданылуы мүмкін. Сондықтан мемлекет жеңіл авиацияны дамытуға қолдау көрсетуде.
Авиация саласының маманы Герман Герстенлауэрдің айтуынша, Қырғызстанда жеңіл авиацияны дамытуға мемлекет ерекше көңіл бөлуде. Оның бастамасымен жеңіл авиация ассоциациясы құрылып, пилоттар дайындайтын мектептер ашылған. Қазіргі таңда жеңіл тікұшақтар ауыл шаруашылығына көмектесіп қана қоймай, қорғаныс министрлігіне де қызмет етпек.
