Әлемнің біраз жұрты Рождествоны атап өтіп жатыр. Христиан дінінің қасиетті мейрамдарының бірі. Дәл осы күні Ресейбасы Путин: «Ресей, яғни біз Украинадағы "арнайы операция" барысында "Құдайдың қасиетті тапсырмасын" орындап жатырмыз»,-деді.
Сөзбе-сөз: "Бога часто называют Спасителем, потому что он пришел, чтобы освободить всех людей. И наши воины "как бы по поручению Господа исполняют эту самую миссию — защиты Отечества, спасения Родины и ее людей".
Құдайдың қасиетті тапсырмасы бейбіт халықты қыру ма? Әлбетте жоқ! Ендеше бұның диагнозы былай: Не Путин өзін "Құдай" санайды, не Құдайдың атын жамылып, өзінікін істеп жүрген күнәһар!
Жалпы Украинадағы қанқасап соғыс басталғалы бері Путин Құдай туралы бірнеше мәрте айтты. Әлгінде ғана: "Мен Құдайға сенемін. Ол бізді, ресейліктерді қиын-қыстау жағдайға қалдырған жоқ. Қалдырмайды да. Біз бұл соғыстағы алға қойған мақсаттарымызға жетпей тынбаймыз", - деді.
Мұны естіген әлем жұрты: "Оның Құдайға сенетініне Құдай да сенбейтін шығар", - деді.
Ол осыған дейін өткен жылы әскерилерді марапаттап жатып, бұл соғысты бастауының себебі ретінде: "Осылай болғаны Құдайға керек болған шығар", - деп сөйлеген.
Ал 2024 жылы Путин: "2025 жылы соғыс аяқталады дегенге сенесіз бе?" деген сұраққа: "Мен Құдайға сенемін. Құдай бізді қолдайды", - деп жауап берген.
Дәл сол жылы Кремль қожайыны: "Ресейді мен емес, Құдай басқарып келе жатыр. Ал халықтың арқасында өмір сүруде", - деп сөйлегені де болған әңгіме.
Былтыр желтоқсан айында Путин: "Егер Құдай бар болса, ал оның бар екеніне шүбәм жоқ, онда Құдай жердегі адамдардың шіркеу-шіркеуге бөлініп кеткенін білмейтін де шығар. Бізді, бәрімізді ортақ құндылықтар біріктіреді", - деп көлгірсіген. Ол бұл сөздерді Украинаның Мәскеу патриархатынан бөлініп шығып, дін азаттығын алуына бағыттап айтқан.
