Halyk-ты халықаралық бизнес журналы World Business Outlook жыл сайынғы Award Winners 2026 сыйлығының екі санат бойынша жеңімпазы – Best Bank in Kazakhstan және Best SME Bank in Kazakhstan – етіп атады. Басылым сарапшыларының пікірінше, бұл марапат банктің мемлекет қаржы нарығындағы тұрақты көшбасшылығын әрі оның Қазақстан экономикасындағы жүйелік маңызды институт ретіндегі рөлін көрсетеді.

2025 жыл Halyk үшін қарқынды өсу жылы атанды: оның таза пайдасы 1 триллион теңгеден асты. Банк төменгі операциялық шығындарды сақтай отырып, несие портфелін, депозиттік базасын және цифрлық көрсеткіштерін үнемі кеңейтуді жалғастыруда. Halyk-тың нақты секторды кредиттеу үлесі 47%-дан жоғары, ал банктің төлем инфрақұрылымы көлемі жағынан Жалпы ішкі өнімге (ЖІӨ) сай келетін транзакцияларды өңдейді.

Best SME Bank санатында танылу да заңды: Halyk шағын және орта бизнес үшін онлайн-несие және цифрлық қызметтер сияқты цифрлық құралдарды үнемі дамытып келеді. Банк елдегі кәсіпкерлерге арналған ең ірі банк мәртебесіне қол жеткізді.

Halyk үшін бұл марапатқа ие болу – Қазақстан банкы әлемдегі ең үздік қаржы институттары арасындағы өз орнын сенімді түрде сақтап отырғанының тағы бір халықаралық растауы.

World Business Outlook туралы

World Business Outlook - қаржы индустриясын, халықаралық бизнесті және жаһандық экономиканы қамтитын халықаралық бизнес журналы. Бұрынғы сыйлық иегерлері қатарында Al Rajhi Bank, Banco do Brasil, Malaysia Airlines, Hong Kong International Airport және өз салаларындағы басқа да әлемдік көшбасшылар бар.

Halyk туралы 

Halyk – жиынтық активтері 20 трлн теңгеден асатын Қазақстандағы ең ірі банк. Halyk еліміз бойынша 540-тан астам бөлімшеден тұратын филиалдық желі мен цифрлық арналар арқылы қызмет көрсететін ең ірі клиенттік базалардың біріне ие. Сонымен қатар, банк Грузия мен Өзбекстанда да қызметін жүзеге асырады. Halyk шетелдік қатысуы жоқ коммерциялық банктер арасында ең жоғары несиелік рейтингтерге ие (инвестициялық деңгейде: Moody’s – Baa1 / Fitch – BBB- / S&P – BBB-).