Фото: © www.globallookpress.com/Oleksandr Rupeta/ZUMAPRESS.com
Иранмен қақтығыс барысында қаза тапқан АҚШ әскери қызметшілерінің саны Пентагон жариялаған ресми мәліметтен жоғары болуы мүмкін, деп хабарлайды “Адырна”.
Бұл туралы The Washington Post айтты.
Басылымның мәліметінше, Пентагонның ашық дерекқорында 18 әскери қызметшінің қаза тапқаны көрсетілген. Алайда АҚШ-тың бес шенеунігі нақты шығын кемінде 22 адамды құрайтынын айтқан. Тағы бір шенеунік қаза тапқандар саны 23 адам болуы мүмкін екенін мәлімдеген.
Дереккөздердің айтуынша, Пентагонда Таяу Шығыстағы қосымша адам шығынының ведомствоның ресми дерекқорында көрсетілмеуіне байланысты наразылық бар.
Сонымен қатар жарияланған мәліметтерге сәйкес, қақтығыс басталғалы бері 820-дан астам америкалық әскери қызметші жараланған.
Пентагон өкілдері БАҚ-қа қаза тапқандар санына қатысты сұрақтарына әлі түсініктеме бермеген.
