Шымкент қаласында шахматтан «Intellectualdy ult» жалпыұлттық жобасының аясында «Ойлы болсаң, озып көр!» жарысы өтіп жатыр, деп хабарлайды "Адырна" порталы. Бұл туралы журналист Балтабек Түйетаев жазды.
Қазақстанның түкпір -түкпірінен келген зияткер жастар интеллектуалды ойын, ақыл жарысы шахмат өнерінен бақ сынауда.
"Ойлы болсаң, озып көр!" байқауының басты мақсаты - интеллектуалды жас тұлғаларды тәрбиелеп, интеллектуалды ұлт қалыптастыру.
Көрме орталығында жарысқа қатысушыларға, ата-аналарға барлық жағдай жасалынған.
Балтабек Түйетаев аталмыш білім сайысына ат салысқандарға алғысын айтты:
"Шымкент қаласының билігіне, Қазақстан шахмат федерациясының ұжымына интеллектуалды ұлт жанашырларының алғыстан басқа айтары жоқ" деді ол.
