Пхукетке демалу үшін барған 57 жастағы қазақстандық көз жұмды, деп хабарлайды "Адырна" ұлттық порталы Tengri Travel-ге сілтеме жасап.
Таиландтық БАҚ қазақстандықтың алғашқы демалыс күнінде суға батып кеткенін хабарлады. Қайғылы оқиға 31 шілдеде Карон жағажайында болған.
Полиция мәліметінше, турист қонақүйге орналасқаннан кейін теңізге барған. Кейіннен сағат 14.50-де тәртіп сақшыларына жедел жәрдемнен шетел азаматының қайтыс болғаны туралы хабар түскен.
Қазақстанның Сыртқы істер министрлігі қаза тапқан адам - қазақстандық екенін растап отыр. Алайда азаматтың жеке басына қатысты өзге ақпараттар жарияланбады.
Related news
