19 қыркүйек Алматыда ірі жол апаты болып, Саин көшесіндегі тоннельде жеті көлік соқтығысты. Бұл туралы видеоны Instagram желісіндегі kris_p_brothers паблигінің авторлары таратқан, деп хабарлайды “Адырна” ұлттық порталы.
Видео сипаттамада ірі жол апаты Саин көшесінде болғаны айтылған.
«Сағат 20:30-да Саин көшесімен төмен түсіп келе жатып, осындай сұмдық көріністің куәсі болдым. Жолда бәріңіз сақ болыңыздаршы. Сізді үйде күтіп отырған адамдар бары есіңізде болсын”, - делінген видео сипаттамасында.
Оқиға Саин көшесі мен Жұбанов көшесінің қиылысында болған. Жол-көлік оқиғасына жеті көлік қатысқан. Оқиға салдарынан бір адам зардап шегіп, ауруханаға жатқызылды.
Қазір полицейлер жол апатының мән-жайын анықтап жатыр.
Related news
