Қазақстандықтар наурыз айында жарты ай бойы демалады, деп хабарлайды "Адырна" ұлттық порталы.
2025 жылдың наурыз айында қазақстандықтар екі мемлекеттік мерекені атап өтеді. 8 наурыз – Халықаралық әйелдер күні және 21-23 наурыз – Наурыз мейрамы.
8 наурыз сенбіге түскендіктен, демалыс күні 10 наурыз, дүйсенбіге ауыстырылады. Осылайша, қазақстандықтар 8-10 наурыз аралығында үш күн қатарынан демалады.
Наурыз мейрамы дәстүрлі түрде 21-23 наурыз аралығында атап өтіледі. Биыл 22-23 наурыз сенбі мен жексенбіге түсетіндіктен, қосымша демалыс күндері ретінде 24-25 наурыз бекітілді. Нәтижесінде, қазақстандықтар 21-25 наурыз аралығында бес күн демалады.
Осылайша, бес күндік жұмыс аптасында еңбек ететін қазақстандықтар наурыз айында 14 күн демалады.
Айта кетейік, 2024 жылы 1 наурызда сағат 00:00-ден бастап елдің бүкіл аумағында бірыңғай уақыт белдеуі белгіленген болатын.
Related news
